Чимба Александр Маныгы оглу

Чимба Александр Маныгы оглу 1908-1984,(шын ады Сарыг-Донгак Чымба) - күрүне ажылдакчызы, Тыва Арат Республиканы (ТАР) болгаш Тыва автономнуг областы (ТАО) 20 чыл иштинде удуртуп ажылдап чораан.

1908 чылдың январь 24-те Барыын-Хемчик кожууннуң Эрги-Барлыг сумузунуң чанынга төрүттүнген. Ада-иези бөдүүн араттар, бүгү назынында байлар малын кадарып амыдырап чораан.
1918-1927 чылдарда Балдан байның малын кадарып күш ажыл чорудулгазын эгелээн.
1927-1930 чылдарда Барлык сумузунга акылары-биле кады чазаныкчылап ажылдап турган. Ол-ла уеде Тываның революстуг аныяктар эвилелиниң (ТРАЭ) кежигүнү апарган.
1930-1931 чылдарда Барлык сумузунуң ТРАЭ-ниң үүр секретарлап ажылдап эгелээн.
1931-1935 чылдарда Москва хоорайга эш Сталин аттыг Чөөн чүк Ажылчын чоннуң Коммунистиг Университединге өөренгеш чедиишкиниг дооскан.
1935-1936 чылдарда Кызыл хоорайга советтиг патия школазынга төгү башкылап ажылдап турган.
1936-1938 чылдарда ТАР-ның парлалга комитединиң даргазы.
1938-1941 чылдарда ТАР-ның садыглаашкын болгаш үлетпүр сайыды.
1941-1944 чылдарда ТАР-ның Сайыттыр Чөвүлелиниң даргазы.
1944-1961 чылдарда Тыва областың ажылчын чоннуң депутаттар Эвилелиниң күүсекчи комитединиң даргазы.
1961-1963 чылдарда Тыва областың Куруне банкызының конторазын эргелекчилеп ажылдап турган, ооң соонда Тываның даг үлетпүрү комбинаттың даргазының оралакчызы. Хүндүткелдиг дыштанылгаже үнериниң бертинде Тыва АССР-ниң Күрүне архивин удуртуп ажылдап чораан.

Шаңналдары
ТАР Биче Хурал Президиумунуң хүндүлүг бижик - ТАР-ның национал бижиин тургузарын идекпейлиг киришкени дээш бо шаңнал макталды алган. Дөрт Ленин аттыг орденнер.
ТАР ордени.
Улус ажыл-агыйының чедиишкиннер делгелгезиниң биче алдын медали.

Дөзү:
Тыва Республиканың Күрүне архиви. Фонд 2, опись 2, херек 1329. Фонд 2, опись 1, херек 1559, арын 13-14