Шивалха Ринпочениң Үш кол Чагыы
Шивалха Ринпочениң чагыы
[эдер | вики-сөзүглелди эдер]Чүрээм ханызындан ынак, өндүр угаанныг шажынчы өңнүктеримге үш улуг дилээм:
Бирээде, бистер Бурган шажынынга сүзүк-бүзүрелдиг улус чүгле чүдүп-тейлээривис-биле кызыгаарлаттынмайн,Бурган Башкының Өөредиин үндезин ном-судурларга даянып тургаш, дыңнаар, сайгарар арга-биле шиңгээдиривис кол чугула;
Ийиде, эртем-билигниң дыка сайзыраңгай үезинде чурттап чоруур бис, ынчангаш үе-шагның негелдезинге дүгжүп турар Бурган шажынчылар болурувус чугула;
Үште, аас-кежик күзеп, хилинчек-човулаң күзевейн турарывыс-биле шупту дөмей бис, ынчангаш аас-кежиктиң чылдагааны-буян, а хилинчек-човулаңның чылдагааны-нүгүл-бачыт деп угаап билип, эки-бактың ылгалын часпас болурувус эң-не чугула.
Кысказы-биле тодарал
[эдер | вики-сөзүглелди эдер]Кысказы-биле, шуптувус эртем-билиглиг,шынчы-чөптүг, ак-сеткилдиг, дузааргак кижилер болур болзувусса, ал-бодувуска-даа, өскелерге-даа улуг ажык-дузалыг болур бис дээрзинге чигзиниг чок.
Дрепуң Гомаң дацанның Самло кхамценниң ламазы-Шивалха деп тулку ат эдилээн Тензин Ңаваң Лопел.
2012 чылдың октябрьның он үштүң хүннү.
Дөс
[эдер | вики-сөзүглелди эдер]/Медээлелдиң дөзү/