Янина, Ирина Юрьевна

Ирина Юрьевна Янина (27 ноября 1966 чыл, Талды-Курган, Казах ССР — 31 августа 1999 чыл, Карамахи, Дагестан, Россия) — медицина сестразы, сержант, Россия Федерациязының маадыры.

Намдары

Казах ССР-ниӊ Талды-Курганга тѳрүттүнген. Ол черниӊ эмчи училищезин дооскаш, туберкулёз диспансерге база роддомга ажылдап турган. 1995 чылда контракт аайы-биле ВВ МВД Россиянныӊ Калач-на-Дону хоорайда иштики херектер шериинче процедурный кабинеттиӊ медицина ротазынныӊ сестразы кылдыр кирген . Шериг хүлээлгезинниӊ үезинде ашаандан чарылган болгаш уруу чок болган. Бирги Чечен дайынында ийи катап сегиржип алыышкынныг девискээрже чорааш келген. Ийиги чечен дайынында 1999 чылдан тура Дагестанга турган.

Ѳлгени

1999 чылдыӊ август 31 -де Карамахи суурну террористерден арыглап турар үеде  Ирина Янина эвакуация бѳлүүннүӊ кежигүүнү болуп, балыгланган солдаттарга дуза кадып турган. Амы-тынынга айыыл диргелип турза-даа 15 балыгланган солдаттарга дуза каткан. Уш катап бронетранспортёрга тулчуушкун болуп турар черже барып, оон 28 балыгланган солдаттарны камгалап алган. Тулчуушкун болган черже дорт дугаар чедип чорда дайызын шавар халдаашкын кылган, ынчангаш Янина балыгланган солдаттарны камгалавышаан, автомады биле халдап турган дайызынны атпышаан, эштеринге аткаарлаар арганы берген. Аткаарлап бар чыткан бронетранспортёрга дайызынныӊ гранатазы деген соонда, ѳрт эгелээн. Ѳртенген бронетранспортёрга частыышкын болур мурнунда Янина солдаттарны хып турар машинадан үндүр дажыглап турган. Боду машинаны каап четтикпейн барган. Бронетранспортёрга болган частыышкын соонда уруг амы-тынындан чарылган. Янинанныӊ камгалап алган кижилери: капитан Кривцов А. Л., рядовойлар Гольнев С. В. и Лядов И. А.

Шаӊналдары

14 октябрь 14-те 1999 гчылда Ирина Янинага Россия Федерациязынныӊ маадыры атты дывыскан. Уругнун ады шериг частынныӊ даӊзызынче кезээ мѳӊгеде киир бижиттинген.

Сактыышкын

2012 чылда Россия почтазы И.Ю. Янина дугайында «Герой Российской Федерации» деп марканы үндүрген.