Брюс Ли

Брюс Ли
Төрүттүнген хүнү	1940 ноябрьның 27(1940-11-27)[…]
Мөчээн хүнү	1973 июльдуң 20(1973-07-20)[…] (32 хар)
Чурт	Британский Гонконг[d]  Американың Катышкан Штаттары[d]
Ашаа азы кадайы	Линда Эмери[d]
Автограф

Брюс Ли (шын ады Ли Чжэньфань) (англ. Bruce Lee) (1940 чылдың ноябрь 27, Сан-Франциско – 1973 чылдың июль 20, Гонконг) – америк болгаш гонконг спортчу болгаш киноактёр. Чөөн чүктүң шош-соодалының мастери. Бодунуң тускай стилин чогааткан.

Допчу-намдары

Чажындан тура чөөн чүк улустарының шош-соодалының уран-чүүлүн сонуургаар турган. 13 харлыында Ип Манның Гонконкуда школазынче кирип алган. Ол башкы «виньчунь» («чуртталганың мөңге дөзү») стилинге өөредип турган. Ол дээрге хары угда халдаар болгаш камгаланыр шош стили. Сөөлзүредир Ли өске: бокс, дзюдо, джиу-джитсу, кунг-фу, ушу – дээн шош хевирлерин база шиңгээдип алган. 19 харлыында Американның Каттышкан Штатарынче ээп келгеш, Сиетлде Эдисоннуң техниктиг шолазын доозуп алгаш, улаштыр Вашингтоннуң университединче кирген. Yргулчү шош-соодал уран-чүүлүн сайзырадып тургаш, Джит Кун До стили – деп стилин чогааткан. Ол стильге хамаарыштыр бижээн ному: «Мурнаптар чудурук оруу» 'Путь опережающего кулака' («Tao of Jeet Kune Do», 1975).

1960 чылдарның төнчүзүнде телевидениеге база кинога идекпейлиг тыттырып турган. Тыттырган кинолары 36: «Большой босс», «Кулак ярости», «Возвращение дракона» болгаш өске-даа. Шош сценаларын салырынга шыырак тургузукчу кылдыр алдаржаан.