Агаоглу, Сюрейя
|
Сюрейя Агаоглу | |
|---|---|
|
тур. Süreyya Ağaoğlu | |
 | |
| Төрүттүнген хүнү | 1903 |
| Мөчээн хүнү | 1989 декабрьның 29 |
| Чурт | |
Сюрейя Агаоглу (тур. Süreyya Ağaoğlu, 1903, Азербайджан—1989, Стамбул, Турция) — азербайджан уктуг турк чогаалчы база и юрист, Турцияның төөгүзүнде бир дугаар херээжен болчукчу.
Намдары[эдер | вики-сөзүглелди эдер]
Сюрейя Агаоглу азербайджан, соонда барып турк политик Ахмет Агаоглу (тур. Ahmet Ağaoğlu) деп кижиниң уруу. Азербайджан демократ республика 1920 чылда дүшкен соонда, өг-бүлези-биле Турцияже көжүп чорупкан.
Аңаа Сюрейя Стамбул университединиң юридиктиг факультедин дооскан. 1927 чылдан тура өлгүжеге болчукчулап ажылдап турган. Турцияның төөгүзүнде бир дугаар херээжен болчукчу кылдыр делегейге ат сураа үнген. Ынчан болза, турк херээжен улус кандыг-даа тускай эртемниг боор байтык, аңгы ажылга ажылдаары дыка ховар үелер турган. Сюрейяның ачызында дыка хөй турк херээжен улус бодунга бүзурелин оттуруп, келир үеже идегелдиг апарган.
Ийи номнуң автору: «Лондонга чүнү көрген мен / Что я видела в Лондоне» (тур. Londra'da Gördüklerim) и «Мынчалдыр чуртталга эртип каан / Вот так прошла жизнь» (тур. Bir Hayat Böyle Geçti). Ол номнарда дыка хөй хоойлу-дүрүмге, кижилерниң эргезинге хамаарышкан айтырыгларны өөренип көрген.
1989 чылда 86 харлап чорааш, инсульттан Стамбулга чок болган.
2003 чылда ооң адынга тураскааткан мөңгүн ашканы үндүрген[1].
Демдеглелдер[эдер | вики-сөзүглелди эдер]
- ↑ Turkey – Silver Proof 15000000 15 Million Lira Coin 2003 Year Süreyya Ağaoğlu (англ.). EBay. Хынаан 5 Үш айның 2019.