Аманжолов Алтай Сарсенович

Википедия деп сайттан

Алтай Сарсенович Аманжолов (2 июнь 1934 — 8 октябрь 2012) — совет болгаш казах лингвист-тюрколог, түрк дылдарың төөгү грамматиказының, бурунгу түрк бижиктиң төөгүзүнүң специализи. Казахстанның алдарлыг ажылдакчызы (2009).

Допчузу[эдер | вики-сөзүглелди эдер]

1934 чылдың июнь 2-де Алма-Ата хоорайга төрүттүнген. Лингвист С. А. Аманжоловдуң оглу.

М. В. Ломоносов аттыг МГУ-нуң Чөөн дылдар институдун (1957) аңаа-ла аспирантураны дооскан (1963). «Глобальное управление в языке памятников древнетюркской письменности» деп темалыг кандидат диссертациязын камгалаан.

Дыл эртеминиң доктору (1975). Доктор диссертациязының темазы: «Материалы и исследования по истории древнетюркской письменности». Профессор, Гуманитарлыг эртемнер академиги (1995). Казахстан Республиказының Уран чүүл академиязының ылап кежигүнү.

«История и теория древнетюркского письма», «Программа курса древнетюркской, арабской и латинской графики» деп монографияларның автору (1980), «Тюркская руническая графика» (1980—1985), «Турецкий язык» (1983), Казах-орус лингвистика терминнериниң словарының автору, 200 ажыг түрк дылдар эртеминге база ниити двл эртеминге хамаарышкан эртем-шинчилел ажылдарның автору.

1957 чылда — Казахстанның Эртемнер академиязының Дыл болгаш литература институдунуң эртем ажылдакчызы. 1966 чылда — Казахстанның күрүнениң кыстарның башкы институдунуң кафедразының башкызы, эртем ажылдакчызы, доцентизи, профессору, эргелекчизи.

1980 чылдан 2012 чылга чедир — Казахстанның күрүне университединиң дыл эртеминиң кафедразының эргелекчизи, профессору (амгы үеде аль-Фараби аттыг Казах национал университет).

Казахстанның тураскаалдар төөгүзү болгаш культуразының төп чөвүлелиниң кежигүнү болгаш ооң бурунгу бижик болгаш фольклор кезээниң даргазы. «Құрмет» деп орден-биле шаңнаткан(1999), КазССР-ниң Минвузтуң болгаш Казах Республиканың медалы, Дээди школаның болгаш эртем черлериниң профсоюзтарының Хүндүлүг бижиктери -биле шаңнаткан; Казах Республиканың уран чүүл академиязының диплому, Экономиктиг Сотрудничество Организациязының чоннар аразының премиязы-биле шаңнаткан (2000).

2012 чылдың октябрь 8-те мөчээн.

Шолуглер[эдер | вики-сөзүглелди эдер]