Арбачаков, Юрий Яковлевич

Википедия деп сайттан
Перейти к навигации Перейти к поиску

Арбачаков, Юрий Яковлевич. (1966 чылдыӊ октябрь 22-де, Усть-Кезес, Кемерово облазы, РСФСР, СССР) — совет боксёр.  ССРЭ чемпиону (1989). Европа чемпиону (1989). Делегей чемпиону - Любительский бокс (1989). Делегей чемпиону - профессионал бокс (WBC; 1992—1997). ССРЭ-ниӊ Хүндүлүг спорт мастери (1989).

Допчу-намдары[эдер | вики-сөзүглелди эдер]

Юрий Арбачаков октябрь 22-де 1966 чылда Кемерово облазыныӊ Таштаголь районунуӊ посёлок Усть-Кезеске тѳрүттүнген. Нациязы - шорц. 13 харлыында Юрий Семёнович Айларовтуӊ удуртулгазы-биле боксту ѳѳренип эгелээн. (Ол дээш тренеринге «Заслуженный тренер РСФСР» атты тывыскан). Сѳѳлзүредир 1986—1989 чылдарда тренери - Владимир Петрович Курегешев. Дараазында тренери Николай Васильевич Кутловский. 1989 чылда ССРЭ-ниӊ бирги чери дээш маргылдаага тиилеп алган. Чуртуӊ шилиндек командазынче кире бергеш, улаштыр Европа болгаш Делегей чемпиону атты чедип алган. «Любительский» бокска ниитизи-биле 186 чогушту эттирген, оларнын аразындан 165 - жин тиилеп алган. 1990 чылда Юрий Арбачаков япон клуб «Киоэй-боксинг» биле керээ чарып алгаш, «професионал» боксче шилчээн. 1992 чылда тай боксёр Муангчай Киттикейзем биле чогушка профессионал бокстун чемпиону атты чаалап алган (ВБС, WBC). Тѳѳгүде профессионал боксёрлар аразынга бир дугаар чемпион атты чаалап алган российжи боксёр болуп турар. 1997 чылда тос катап тиилелгелиг эттирген чогуштарныӊ соонда, Арбачаков тай Чатчаю Сасакулуга чемпион адын аштырыпкаш, дүжүп берген.. Россияже ээп келген соонда, 2011 чылда Россияныӊ Профессионал боксёрлар ассоциациязыныӊ президентизи кылдыр соӊгуткан. 1993 чылдан эгелээш Кемеровада Арбачаковтуӊ адынга тураскааткан Бүгү Россия чергелиг бокс турнири болуп турар. 2013 чылда Кемерованын область чѳвүлелиниӊ депутады кылдыр соӊгуткан.

Шаӊналдары[эдер | вики-сөзүглелди эдер]

  • «За особый вклад в развитие Кузбасса» 3 чаданын (2016)

Шѳлүглер.[эдер | вики-сөзүглелди эдер]

  • Арбачаков, Юрий Яковлевич (англ.) — статистика боёв на сайте BoxRec
  • arbachakov.ru — официальный сайт Юрий Яковлевич Арбачаков
  • Юрий Арбачаков: Бокс — это очень большой труд
  • Начала работу Профессиональная Боксерская Ассоциация России
  • Страница Арбачакова Ю.Я. на сайте СНД Кемеровской области