Байкара, Галина Ивановна
Байкара Галина Ивановна (1941 чылдың сентябрь 5, Кызыл, ТАР – 2014, Кызыл, Тыва Республика) – Тываның библиотека ажылының хоочуну, Күш-ажылдың хоочуну.
Намдары[эдер | вики-сөзүглелди эдер]
Галина Ивановна Байкара 1941 чылдың сентябрь 5-те Тыва Арат Республиканың Кызыл хоорайга төрүттүнген.
1960 чылда Канскының библиотека техникумун дооскан соонда Тес-Хем кожууннуң кожуун бибилиотеказынче ажылдап чорупкан.
Баштай ол бөдүүн библиотекарь кылдыр ажылдаан, оон кожуун библиотеказының эргелекчизи кылдыр ажылдаан. Шупту кылган ажылы улуг чедиишкиннерлиг болуп келген. Ол ном-биле ажылдың шупту хевирлерин база методтарын эки сайгарар турган.
1966 чылда ол өөредилгезин уламчылаары-биле Чөөн-Сибирьниң күрүнениң культура институдун дооскан. Институт дооскан соонда Кызылда А. Гайдар аттыг чаштарның библиотеказынга абонемент килдизиниң эргелекчизи кылдыр томуйлаттынган.
1971 чылда өг-бүлезиниң байдалының аайы-биле Бурят АССр-же көжүп чорупкаш, Дырен деп суурнуң библиотеказынга эргелекчилеп кирген.
1972 чылда Тываже катап эглип келгеш, Тыва Республиканың А. С. Пушкин аттыг библиотеказынга килдис улуг библиотекарь кылдыр ажылдай берген.
1978 чылда ол Пушкин аттыг библиотеканың директорунуң оралакчызы апарган.
1981 чылда Галина Ивановна Байкара Кызылда А. Б. Чыргал-оол аттыг уран-чүүл колледжинге библиотека салбырынга башкылап ажылдай берген, аңаа 2009 чылга чедир ажылдааш, хүндүлүг дыштанылгаже үнген.
2014 чылда чок болган.
Шаңналдары[эдер | вики-сөзүглелди эдер]
- Тыва Республиканың Культура яамызының хүндүлүг бижиктери
- Россия Федерациязының Культура яамызының "Культураның сайзыралында чедиишкиннери дээш" деп хөрек демдээ (1999)
- "Күш-ажылдың хоочуну" деп хүндүлүг ат (2000)
Литература[эдер | вики-сөзүглелди эдер]
1. Байкара Галина Ивановна // История Национальной библиотеки им. А. С. Пушкина Республики Тыва. Кызыл, 2014. Ар. 35.
2. Галина Ивановна Байкара // Люди и события и Тувы. Календарь-Хронограф-2016. Кызыл, 2015. Ар. 104-105.
Шөлүглер[эдер | вики-сөзүглелди эдер]
2. История библиотек в Тес-Хемском кожууне (чедимчок шөлүг)
3. К своему 80-летию Национальная библиотека Тувы технически перевооружилась