Балчий-оол, Джон Кузьмич
|
Джон Кузьмич Балчий-оол | |
|---|---|
 | |
| Төрүттүнген хүнү | 1935 сентябрьның 18 |
| Мөчээн хүнү | 2013 октябрьның 9 (78 хар) |
| Чурт | |
Джон Кузьмич Балчий-оол (1935 сентябрь 18 — 2013 октябрь 9) — хирург-уролог, дээди категорияның эмчизи, медицина эртемнериниң кандидады.
Намдары[эдер | вики-сөзүглелди эдер]
Д.К. Балчий-оол 1935 чылдың сентябрь 18-те Тыва Арат Республиканың Кызыл хоорайга эмчи өг-бүлеге төрүттүнген. Ооң адазы Балчий-оол Кузьма Балчырович — Тыва Республикада кадык камгалалдың баштайгы организаторларының бирэзи, 1944 чылда Тыва ССРЭ-ге каттышканда республиканың эмнелгезиниң бир дугаар улуг эмчизи. Авазы Белова Фаина Георгиевна — Кызыл хоорайга дүрген эмчи дуза чедирер станцияның организатору болгаш баштайгы улуг эмчизи[1].
1961 чылда Красноярсктың эмчи институдун дооскан, Республикада Хирург салбырының бир дугаар уролог-эмчизи болган.
1967 чылда клиниктиг ординатураны Москваның 2-ги Н.И. Пирогов аттыг эмчи институдунуң Урология кафедразынга дооскан. Тывага чанып келгеш, Кызылга Республиканың эмнелгезинге тускайжыттынган урологтуг албан черин, бир дугаар уронефрологтуг салбырны организастааш, ону 1984 чылга чедир баштаан. Ол үеде Тыва АССР-ниң кол урологу болуп база турган.
Европейжи эмчи эртемин ол чөөн чүктүң чоннарының эмнелге аргалары-биле Джон Кузьмич Балчий-оол чедиишкинниг каттыштырып турган. 30 ажыг чылдарның иштинде ол хоочураан, эмнээри дыка берге херээжен улустуң сыңый аарыгларын эмнеп келген. Ол бир дугаар инерефлексотерапияны урологтуг аарыглар эмнээринге ажыглаан[1].
Джон Кузьмич Балчий-оол 20 хире урология хамыыршкан эртем чүүлдерин база «Цисталгия» деп монографияны А.Ф. Даренков-биле кады бижээн[2].
1995 чылдан тура Мосвкага Өг-бүле планнаар болгаш репродкция төвүнге ажылдап турган. Джон Кузьмич 78 харлыынга чедир ажылдавышаан чурттап каан.
Москваның Николо-Архангельск хөөрүнде хөөржүттүнген.
Демдеглелдер[эдер | вики-сөзүглелди эдер]
- ↑ 1,0 1,1 В Москве ушел из жизни тувинский врач Джон Балчий-оол. Тува. Азия. Хынаан 13 Он бир айның 2014.
- ↑ Медицинская энциклопедия. Цисталгия. dic.academic.ru. Хынаан 13 Он бир айның 2014.
Дөс[эдер | вики-сөзүглелди эдер]
- Балчий-оол Д. К. — «Кто есть кто в современном мире», выпуск 2, Москва, 1999, стр. 98-99.
- Вехи Тувинского здравоохранения. Тувинская правда (17 января 2014). Хынаан 13 Он бир айның 2014.