Бегзи, Донгак Одайсурун оглу

Бегзи Донгак Одайсүрүң оглу азы Бегзи Донгак Одайсурун (Одайсюрюн) оглу (1918-1972 чылдар) – тыва чоогалчы, журналист.

Намдары

Бегзи Донгак 1918 чылда Одай-Сүрүң аңчының өг-бүлезинге төрүттүнген. Төрүттүнген чери Өвүрнүң Торгалыг деп чер. 17 харынга чедир ада-иези-биле кады чурттап, оларның ажыл-агыйынга дузалап чораан. 1938 чылда Кызылдың өөредилге комбинадын дооскаш үш чыл тургузунда Улуг-Хемниң Хендерге, Эжим, Дус-Даг сумуларынга эге школа башкызы болуп ажылдап чораан. Аңгы-аңгы үелерде Москваның чөөн чүк институдун, Кызылдың партшколазын, СЭКП-ның Төп Комитединиң Дээди партия школазын дооскаш, "Сылдысчыгаш", "Тываның аныяктары", "Шын" солуннарның редакторунуң оралакчызы, редактору кылдыр ажылдап турган.

Бир дугаар бижээн чогаалдары 1940-1941 чылдарда "Революцияның хаяазы" деп сеткүүлге үнүп эгелээн. 1969 чылда хоочун журналистиң "Өңнүктер дугайында хоочун" деп ному үнген. Ук тоожу тыва чогаалга көскү черни ээлээн.

Өөренип дооскан чери:

1936 чылдың сентябрь 1-ден – 1938 чылдың март айга чедир Кызылдың өөредилге комбинадының партия салбыры.
1941 чылдың сентябрь 1-ден – 1944 чылдың июль айга чедир Москваның чөөн чүк институдунуң тускай килдизи.
1944 чылдың сентябрь 1-ден – 1945 чылдың май айга чедир Кызылдың совет партия школазы.
1948 чылдын сентябрь айдан – 1951 чылдың июль айга чедир СЭКП-ның ТК-ниң Дээди партия школазы.

Ажылдап чораан чери:

1938-1941 чылдарда Улуг-Хемниң Хенделге, Эжим, Дус-Даг эге школаларынга башкы.
1945 чылдың апрель 15-тен – 1948 чылдың мартка чедир "Сылдысчыгаш" солуннуң редактору.
1948 чылдың марттан – 1948 чылдың сентябрьга чедир "Тываның аныяктары" солуннуң редактору.
1951 чылдың апрельден – 1953 чылдың августка чедир "Шын" солуннуң редактор оралакчызы.
1956 чылдың ноябрь – 1959 чылдың майга чедир Тываның радиокомитединиң политиктиг дамчыдылгазының редактору.
1959 чылдан – 1960 чылдар ажыга чедир "Шын" солуннуң редактор оралакчызы.

Дөзүглел

Писатели Тувы. Биобиблиографический справочник.1982 г.-Тувинское книжное издательство.
Личное дело Бегзи Донгак Одай-Суруновича. Фонд 2, опись 2, дела 205,1374, Государственный архив Республики Тыва
"Шын" солун, 1969 чылдың октябрь