Горшкова, Полина Петровна
Полина Петровна Горшкова (1989 чыл ноябрь 22, Тольятти) — россияның гандболизи, Россияның чыынды командазының база «ЦСКА» гандбол клувунуң солагай кыдыкы ойнакчызы. Лада клувунуң составынга 2008 чылдың Россия Чемпиону. 2015 чылда чайгы Универсиаданың чемпиону.
Намдары[эдер | вики-сөзүглелди эдер]
Тольяттиге төрүттүнген[1]. Гандболду он харлыында төрээн хоорайынга ойнап эгелээн. СДЮСШОР №2-ге ойнап турган, бир дугаар тренерлери — Нина Борисовна Бойко база Александр Николаевич Хомутов[2]. Үш чылдың тургузунда (2004, 2005, 2006) ооң командазы 1989-туң уругларының аразынга Россияның Первенствозунуң тиилекчизи болган.
Тольяттиниң «Ладазының» тургузуунга 2007 чылда Россияның Кубогунуң финализи апарган, 2007-2008 чылдырның сезонунга Суперлиганың «алдынын» чаалап алгаш Россияның чемпиону апарган.
«Ладага» тургаш чеди каттап Россия чемпионадының призёру апарган: 2014, 2015, 2017, 2019 чылдарның мөңгүн медальдарын болгаш 2011, 2012, 2016 чыдарның хүлер медальдарын алган. Оон аңгыда ол чылдарның тургузунда Россия Кубогунуң финалынга үш каттап ойнааш үш каттап хүлер медальдарны чаалап ап турган.
Европаның ареназынга «Ладаның» ойнакчызы кылдыр ЕГФ Кубогунга ийи каттап тиилеп турган.
2019 чылдың чайындан — ЦСКА ПГК ойнакчызы[3].
2012 чылда Тольяттиниң күрүне университединге өөредилгезин дооскан. Уруун Софияны өстүрүп турар[4].
Чыындыга карьеразы[эдер | вики-сөзүглелди эдер]
2015 чылда Россияның студент чыынды командазынга Делегейниң XXVIII-ки чайгы Универсиадазының «алдынын» чаалап алган[5].
2016 чылда Астраханьга эртип турган олимпий квалификационнуг турнирге киржип турган. Россияның командазы тиилээш Рио-де-Жанейрода Олимпиадаже путёвканы чаалап алган[6]. Олимпиаданың бодунче чалалга албаан.
Демдеглелдер[эдер | вики-сөзүглелди эдер]
- ↑ Федерация гандбола России. Горшкова Полина Петровна (ru). rushandball.ru. Хынааны 2020 Дөрт айның 17.
- ↑ Полина Горшкова: «В юбке драться неприлично» (ru). Новости Тольятти. Хынааны 2020 Дөрт айның 17.
- ↑ Полина Горшкова (ru). Профессиональный гандбольный клуб ЦСКА (1989-11-21). Хынааны 2020 Дөрт айның 17.
- ↑ Горшкова Полина Петровна (en). Гандбольный клуб "ЛАДА" (Тольятти) (2018-03-27). Хынааны 2020 Дөрт айның 17.
- ↑ Мария Кинчарова. Игроки гандбольной "Лады" помогли сборной России завоевать "золото" Универсиады в Кванджу. ГородТольятти. Хынааны 2020 Дөрт айның 16.
- ↑ Полина Горшкова: трудный путь к подножию Олимпа. hand-ball.ru. Хынааны 2020 Дөрт айның 17. Archived 2021-08-08 at the Wayback Machine