Демаков, Александр Иванович

Александр Иванович Демаков
Төрүттүнген хүнү	1960 августтуң 6(1960-08-06)
Мөчээн хүнү	1982 апрельдиң 21(1982-04-21) (21 хар)
Чурт	ССРЭ

Демаков, Александр Иванович – 1960 чылдың август 6-да Новосибирск облазының Орда районунуң Верх-Ирмень суурга төрүттүнген.

1982 чылдың апрель 21-де Афганистанга чок болган.

Совет Эвилелиниң Маадыры, Туркестан шериг округтуң (Ограниченный контингент советских войск в Демократической Республике Афганистане) 40 дугаар Кызыл Тук эдилекчизи армияның, 70 дугаар тускай бригаданың, 2 дугаар мотострелоктуг ротаның командириниң политика талазы-биле оралакчызы, улуг лейтенант.

Допчу-намдары.

Тараачын өг-бүлеге төрүттүнген. Ортумак школаның 10 клазын дооскан. Совет армияда 1977 чылдан тура. 1981 чылда Новосибирскиниң дээди шериг-политиктиг ниити шериг Дээди Октябрьнын 60 чыл аттыг училищезин дооскан. 1980 чылдан тура коммунистиг партия кежигүүнү. 1981 чылда Афганистанга Совет шериглерниң кызырыглыг кезектеринге хүлээлгезин эттирип турган. Душманнар биле бир сегиржип алыышкынга Александр Демаков маадырлыг чорукту кылган. 1982 чылдың апрель 21-де баштап турган шериглериниң амы-тынын камгалап алыры-биле бодун бодавайн шериг хүлээлгезин күүседип тургаш өлген. Эштериниң дедир аткаарлаар аргазын хандырып, дайызынга удурланып тургаш амы-тынындан чарылган. Төрүттүнген суурунда ажааган. 1982 чылдың июль 5-те Совет Эвилелиниң Дээди Чөвүлелиниң айтыышкыны-биле Демаков Александр Ивановичиге Совет Эвилелинин Маадыры атты тывыскан (чок болганда)

Шаңналдары

1. «Алдын Сылдыс» медали.
2. «Ленин» ордени.
3. «Кызыл сылдыс» ордени.

Тураскаалдары

Өөренип турган училищезиниң даңзызынче кезээ мөңгеде кылдыр киирген. Новосибирск хоорайда бюстузун тургускан.

Дөзүглел

• Колотило А. Герои войны «за речкой» // «Красная Звезда». — 2019, 29 марта. — С.10.

Шөлүглер

Александр Иванович Демаков. Сайт «Герои страны».