Демирел, Волкан

Волкан Демирель
Волкан Демирель
Төрүттүнген	1981 октябрьның 27[…] (44 хар); Истaнбул, Турция;
Хамаатылалы	Турция;
Позиция	вратарь
Клуб	Фенербахче
Должность	тренер
	Карьера
	Аныяктар клубтары
	Клубка карьера*
	Чыынды команда**
	* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар.; ** Националдыг чыынды-биле официалдыг матчтарга оюннары болгаш голдары.
	Европаның чемпионады
Хүлер	Австрия/Швейцария 2008

Волкан Демирел (орус. Волка́н Демире́ль, тур. Volkan Demirel, 1981 чылдың октябрь 27, Стамбул) — турк футболчу, хаалгачы. Турцияның чыынды командазы дээш ойнап турган. Евро-2008 маргылдааның киржикчизи^[4].

Карьеразы

Волкан Демирел Турцияның Стамбул хоорайга 1981 чылдың октябрь 27-де төрүттүнген.

Хаалгачы «Карталспор» деп турцияның бир клубтарынга аныяк футболчуларның школазын дооскан. Ону дооскаш, ол-ла «Карталспор» клубтуң составынга 51 оюн ойнааш, кезек турк шыырак комнадаларның кичээнгейин хаара туткан. 2002 чылдың июльда Турцияның эң шыырак командаларының бирээзи «Фенербахче» клубче кире берген, ынчалза-даа аныяк хаалгачы ол клубтуң кол составынга бодунуң баштайгы оюнун чүгле 2003 чылдың апрель 26-да «Самсунспор»деп клубка удур ойнаан. Эки оюнун көргүзүп, хаалгачы салым-чаяанының ачызында бир чыл болганда Волкан «Фенербахче» клубтуң кол составынга тургустунуп алган. Ооң соонда-ла 2004 чылдан тура Турцияның чыынды командазынче кыйгыртып, ооң составынга ниитизи-биле 62 оюн ойнаан.

Волкан «Фенербахче» клубтуң УЕФА-ның Чемпионнар Лигазынга чедиишкинниг киришкениниң база бир үнелиг киржикчизи болган. Ол оюннарга ооң клуву дөртке кирген. Хаалгачы «Севилья» деп клубка удур оюннуң маадыры болган, аңаа ол пенальти үезинде 3 үш катап хаалгаже бөмбүк киирбейн барган^[5].

Чедиишкиннери

«Фенербахче»

Турцияның чемпиону (5): 2003/04, 2004/05, 2006/07, 2010/11, 2013/14^[6]
Турцияның чемпионадының мөңгүн шаңналының эдилекчизи (3): 2005/06, 2007/08, 2011/12, 2012/13^[6]
Турцияның Суперкубогунуң эдилекчизи (3): 2007, 2009, 2014^[6]
Турцияның Кубогунуң эдилекчизи (2): 2011/12, 2012/13^[6]
Турцияның Кубогунуң үжүүрү (2): 2004/05, 2005/06^[6]

Турцияның чыынды командазы

2008 чылдың Европа чемпионадының хүлер шаңналының эдилекчизи^[6]

Хууда амыдыралы

Мисс Бельгия 2009 Зейнеп Север-биле өгленип алган. Кудазы 2010 чылдың сентябрьда болган^[7]. Өөнүң ишти Fenerbahçe Acıbadem деп волейбол командазында ойнап турар.

Демдеглелдер

↑ http://www.tff.org/Default.aspx?pageId=30&kisiId=463760
↑ Transfermarkt.com (х.) — 2000.
↑ https://bdfa.com.ar/jugadores-47598.html (исп.)
↑ Волкан Sports.ru-да (чедимчок шөлүг)
↑ Демирел Волкан Footballtop.ru-да
1 2 3 4 5 6 Волкан Демирелдиң Readfootball.com-да статистиказы
↑ Волкан и Зейнеп сыграли свадьбу (чедимчок шөлүг — төөгү). Хынаан 30 Дөрт айның 2013. Архивтээн 2010 Тос айның 24.

Шөлүглер

[_b18e0bbc0f1ee713-1] ttp://www.tff.org/Default.aspx?pageId=30&kisiId=463760

[_99479c539d530a67-2] Transfermarkt.com (х.) — 2000.

[_24faa5ddfda8372b-3] ttps://bdfa.com.ar/jugadores-47598.html (исп.)

[4] Волкан Sports.ru-да (чедимчок шөлүг)

[5] Демирел Волкан Footballtop.ru-да

[:0-6] 1 2 3 4 5 6 Волкан Демирелдиң Readfootball.com-да статистиказы

[7] Волкан и Зейнеп сыграли свадьбу (чедимчок шөлүг — төөгү). Хынаан 30 Дөрт айның 2013. Архивтээн 2010 Тос айның 24.

[1]

[2]

[3]

[4]

[5]

[6]

[7]