Деспижек, Ирина Монгушевна

Деспижек, Ирина Монгушевна - 1953, май 2, Ѳвүр кожуунунуң Хандагайты суур, Башкы. Ѳѳредилге адырынныӊ тергиини

Допчу-намдары

Деспижек Ирина Монгушевна 1953 чылдың май 2-де Ѳвүр кожууннуң Хандагайтыга Папий-оол Монгуш Седипович биле Ооржак Лопсановнаның башкы ѳг-бүлезинге тѳрүттүнген. 1960 чылда Шагаан-Арыгның №2 школазының 1-ги клазынче киргеш, 1970 чылда ол-ла школаны чедиишкинниг дооскан. 1974 чылда Кызылдың башкы училищезиниң школа салбырының «эге класс башкызын», а 1982 чылда Кызылдың күрүнениң башкы институдунуң педагогика болгаш эге класс башкыларының методиказын ѳѳренир факультедин дооскан. 1974 чылдан 1977 чылдарда башкы ажыл-агыйын Кызыл районнуң Шамбалыг ортумак школазынга эге класс башкызы болуп ажылдап эгелээн. 1977 чылдың август айдан эгелеп Чаа-Шагонарыгның чаа ажыттынган школазынга эге класс башкызы болуп ажылдап эгелээн. Ол школаны 1981 чылда дугаары 1 школа кылдыр эде адаан. Ол школага 1977 чылдан 1990 чылдарга чедир ажылдаан. 1990 чылдың ноябрь 16-дан эгелеп ѳѳредилге шугумунга эге класс башкыларының методизи болуп, дараазында кожууннуң методкабинединиң эргелекчизи болуп ажылдаан. 1994 чылдың июль 1-ден 1995 чылдын январь 10-га чедир Шагаан-Арыг хоорайнын администрациязының социал политика талазы-биле оралакчызы эрге-дужаалынга ажылдаан. 1995 чылдың январь 11-ден эгелеп Улуг-Хем кожууннуң ѳѳредилге эргелелиниң эргелекчизи болуп ажылдаан. 2007 чылдың август 22-ден эгелеп эге класс башкыларының методизинче шилчээн. Ѳѳредилге эргелелинге 26 чыл ажылдаан. Амгы үеде Шагонарның № 2 школазының немелде ѳѳредилге черинде кижизидикчи башкы болуп ажылдап чоруур. Ажылдап чораан үелеринде ѳѳредилгениң янзы-бүрү хүндүлүг бижиктери болгаш шаңналдарын алган.

Шаңналдары:

• -Тыва АССр-ниң ѳѳредилге яамызының болгаш обком профкомнуң хүндүлүг бижии (1989 чылда):
• -«Отличник народного просвещения» деп хѳрек демдээ. (1989 чылда);
• -Россия Федерациязының профессионалдыг болгаш ѳѳредилге яамызының хүндүлүг бижии (1998 чылда)
• - «Тыва Республиканың Хүндүлүг ажылдакчызы» деп ат (2001 чылда)
• - «Россияның профкомунуң 100 чыл ою» деп Юбилейлиг медальдың эдилекчизи (2005 чылда);
• - Тыва Республиканың Дээди Хуралының хүндүлүг бижии (2015 чылда);
• «Тыва Республиканың муниципалдыг органынын 1-ги клазының сумелекчизи» деп квалификация разрядтыг (2002 чыл);