Дхарма хүртүзү

Дхарма хүртүзү

Дхарма хүртүзү, Дхарманың ыдык дугую, Дхармачакра (санск. धर्मचक्र, төв. чө-кьи кхор-ло, моол. номийн хүрд ):

1. Өөредигниң ыдык сүлдези.
2. Ужу-кыдыы, эге-төнчүзү чок долганып турар очалаңның, мегечи сарыг өртемчейниң хилинчек-човулаңын, ооң чылдагаанын адырыптар шынарлыг Ыдык Өөредиг дугую. Будда Бурган Башкының бир дугаар Өөредиг бергенин Дхарманың дугуюнуң баштайгы долгандырыы деп адап турар. Дхарманың ыдык дугуюн Будда Башкы мурнунда тудуп алган кылдыр көргүскен болур. Сарыг шажынның дуган, хүрээлериниң кырында, кирер эжииниң үстүнде оюп-сиилбээн азы азып каан болур.

Сес Ыдык Камгалал демдээниң бирээзи.

Дөс

1. С.К. Серенот. Сарыг-Шажынның тайылбыр словары. - Кызыл, 2010.