Ирбижей, Чечен Бай-Кара оглу

Ирбижей Чечен Бай-Караевич
Төрүттүнген хүнү	12.06.1942 ч.
Төрүттүнген чери	Баян-Кол, Улуг-Хем, ТАР

Ирбижей Чечен Бай-Кара оглу (1942 чылдың июнь 12, ТАР, Улуг-Хем, Баян-Кол) – тыва шүлүкчү, прозачы. Тыва Республиканың чогаалчылар эвилелиниң, Россияның чогаалчылар эвилелиниң (2003) кежигүнү.

Намдары

Ирбижей Чечен Бай-Караевич 1942 чылдың июнь 12-де Улуг-Хем кожууннуң Баян-Колга төрүттүнген.

Кызылдың № 2 ортумак школазын, Москвада М. Горький аттыг литература институдун дооскан.

Ажылчын базымын Таджикистанда Вахт шынаазында геология экспедициязындан эгелээн.

Баян-Колга малчыннап, трактористеп, Терлиг-Хаяның мөңгүн суу болбаазырадыр бүдүрүлгезинге, Тыва-кобальт комбинадынга чер өрүмнекчизи болуп ажылдап чораан.

Шүлүктери 1962 чылдан тыва чогаалчыларның «Улуг-Хем» сеткүүлүнге үнүп эгелээн. Ирбижей Ч.Б. «Ынак эжиң кымыл?» (1985) деп чечен-чугаалар чыынызы, «Ноян таңмазы» (2008) деп тоожулалды, «Дедир салгын» деп шүлүктер чыындызын үндүрген.

1986 чылдан эгелеп, журналистика ажылынче шилчээн. «Тываның аныяктары», «Деткимче», «Таңды-Уула» солуннарга корреспондентилеп ажылдап чораан. Шүлүкчү болгаш прозачы.

Дөс

Е. Танова. Ирбижей Чечен Бай-Кара Оглу // Тываның чогаалчылары: намдар-төөгүзү, ажыл-чорудулгазы. (Энциклопедиктиг тайылбырлар).