Кара-сал, Борис Комбуй-оол оглу

Википедия деп сайттан
Перейти к навигации Перейти к поиску

Борис Комбуй-оол оглу Кара-сал

Төрүттүнген хүнү: 11 ноябрь 1957(1957-11-11) (62 хар)
Төрүттүнген чери: Солчур, Өвүр
Эртем сферазы: тудуг материалдары
Ажыл чери: ТывКУ
Альма-матер: Красноярсктың политехниктиг институдунуң Кызылда салбыры
Эртем деңнели: техниктиг эртемнерниң доктору

Кара-сал Борис Комбуй-оолович (11.11.1957) - техниктиг эртемнерниң доктору, доцент. Тыва Республиканың өөредилгезиниң алдарлыг ажылдакчызы (2004), Россия Федерациязының дээди профессионалдыг өөредилгезиниң хүндүлүг ажылдакчызы (2010).

Намдары[эдер | вики-сөзүглелди эдер]

Тыва Республиканың Өвүр кожуунунуң Солчур суурунга 1957 чылдың ноябрь 11-де төрүттүнген.

1964-1972 чылдарда Өвүр кожууннуң Саглы суурунуң 8 чылдыг школазынга өөренип турган.

1972-1974 чылдарда Солчурнуң ортумак школазынга өөредилгезин уламчылаан.

1980 чылда Красноярсктың политехниктиг институдунуң Кызылда салбырының тудуг факультединиң "Үлетпүрлүг болгаш хамааты тудуг" деп эртемин доозуп алган.

1981-1985 чылдарда Ленинградтың инженер-тудуг институдунуң аспирантуразынга өөренип турган.

1985 чылда "Тываның казымал байлактарындан керамиктиг болгша өске-даа тудур материалдары" деп темага техниктиг эртемнериниң кандидат чадазын камгалап алган.

1985-1995 чылдарда Красноярсктың политехниктиг институдунуң Кызылда салбырының кафедразының ассистентизи, улуг башкызы, эргелекчизи

1996-2000 чылдарда – Тываның күрүне университединиң инженер-техниктиг факультединиң деканы.

2001-2008 чылдарда – Тываның күрүне университединиң экономика талазы-биле проректору.

2007 чылда – "Чавызаткан базыышкынга өртеткен керамиктиг материалдар" деп темага техниктиг эртемнерниң доктору деп эртем чадазын камгалап алган.

2009 чылдың марттан тура – Тываның күрүне университединиң "Үлетпүрлүг болгаш хамааты тудуг" кафедразының эргелекчизи.

Тыва Республиканың Өөредилге болгаш эртем яамызының тудуг талазы-биле эртем-техниктиг совединиң удуртукчузу.

Тыва Республиканың тудуг яамызының хөй-ниитичи совединиң удуртукчузу.

Тудуг материалдарынга хамаарышкан 120 ажыг эртем ажылдарының автору.

Өг-бүлези[эдер | вики-сөзүглелди эдер]

Өөнүң ишти — Кара-сал Ирина Дарымаевна, география эртемнериниң кандидады, Тываның күрүне университединиң география кафедразының эргелекчизи.

Оглу — Эдуард, Тываның күрүне университединиң доозукчузу (2001 ч.), өг-бүлелиг, Тыва Республиканың Капиталдыг тудуг эргелелинде ажылдап чоруур.

Уруу — Милена, Москваның чер аайлажылга университединиң доозукчузу, юрист, бичии уруун кижизидип чоруур.

Шаңнал-макталы[эдер | вики-сөзүглелди эдер]

Россия Федерациязының Өөредилге болгаш эртем яамызының хүндүлүг бижии (2001);

"Тыва Республиканың өөредилгезиниң алдарлыг ажылдакчызы" деп хүндүлүг ат (2004);

"Күш ажылчы чедиишкиннери" деп медал (2007);

Эртем болгаш техника талазы-биле Тыва Республиканың Чазааның Баштыңының Шаңналының эдилекчизи (2007);

"Россия Федерациязының дээди профессионалдыг өредилгезиниң хүндүлүг ажылдакчызы" деп хүндүлүг ат (2010).;

"Россия биле Тываның 100 чыл катыжыышкыны" деп медаль (2014);

Эртем болгаш техника талазы-биле Тыва Республиканың Чазааның Баштыңының Шаңналының эдилекчизи (2015);

"Профессионалдыг мергежили дээш" деп алдын медаль (2017).

Дөс[эдер | вики-сөзүглелди эдер]

  1. Кара-сал Борис Комбуй-оолович // Известные ученые. (https://famous-scientists.ru/16477/)
  2. Патриот «Политеха» / Сост. Сергеева М. Н., Сарбаа Т. П., Бегзи М. Э., Монгуш А. К. — Кызыл: РИО ТувГУ. — 2008. — 43 с.