Кечил-оол, Түлүш Балдаң оглу

Википедия деп сайттан

Түлүш Балдаң оглу Кечил-оол

Төрүттүнген хүнү 1914 июньнуң 23(1914-06-23)
Мөчээн хүнү 1945 июньнуң 10(1945-06-10) (30 хар)
Чурт

Түлүш Балдаң оглу Кечил-оол (орус. Тулуш Балданович Кечил-оол; 1914-1945)Ада-чурттуң Улуг дайынының киржикчизи, тыва эки турачыларның аъттыг шерииниң командири, гвардияның капитаны, Совет Эвилелиниң Маадыры. Дөрткү Тыва эки турачыларның кавалерийжи эскадронунуң, 31 гвардейжи кавалерист полкузунуң капитаны турган.

Намдары[эдер | вики-сөзүглелди эдер]

Түлүш Кечил-оол 1914 чылда Таңды-Тываның Белоцарск (амгы Кызыл) хоорайга тараачын өг-бүлеге төрүттүнген. 1944 чылдың февральда Түлүш Кечил-оол баштаан тыва эки турачыларның аъттыг эскадрону Украинаның Дубно хоорайын немец-фашистиг эжелекчилерден хостаарынга киришкен, ол демиселге эскадрону-биле маадырлыг чоруун көргүскен.

1944 чылдың февраль 2-де Түлүш Кечил-оол бодунуң эскадронун баштап, Ровно хоорайже дайзыннарны чылча шавары-биле шургуп кирген. Дайылдашканының түңнелинде удурланыкчыларның хөй санныг дайынчы техникаларын база дириг күжүн узуткааннар.

Түлүш Кечил-оол 1945 чылдың июнь 10-да хенертен мөчээн. 1990 чылдың май 5-те ССРЭ-ниң Президентизиниң айтыышкыны ёзугаар «1941-1945 чылдарда болган Ада-чурттуң Улуг дайынынга көргүскен эрес-дидим чоруу дээш» Совет Эвилелиниң Маадыры атты тывыскан. Ленин ордени база «Алдын Сылдыс» медалы-биле шаңнаткан.

Шөлүглер[эдер | вики-сөзүглелди эдер]