Кремлёва, Любовь Михайловна

Любовь Михайловна Кремлёва
Төрүттүнген хүнү	1961 декабрьның 21(1961-12-21) (62 хар)
Төрүттүнген чери	Одинцово[d]
Хамаатызы (албатызы)	Россия
Ажыл-херээ	легкоатлетка
Чогаадыкчы дылы	Орус дыл

Любовь Михайловна Кремлёва (1961 чылдыӊ декабрь 21, Одинцо́во) — совет, российжи чиик атлетика спортчузу - ортумак, узун хемчээлге маннаар спортчу. 1990—2001 чылдарда СНГ, Россия дээш маргылдааларга киржип турган. Дуглаглыг стадионга Делегейниӊ хүлер медалинниӊ эдилекчизи, дуглаглыг стадионга Европаннын ийиги черинниӊ эдилекчизи, Россиянныӊ экиденге рекордсмени, Москва облазынныӊ спортчузу. Чиик атлетикага Делегей чергелиг спорт мастери.

Допчу-намдары

Любовь Кремлёва 1961 чылдыӊ декабрь 21-де Москва облазынныӊ Одинцовога тѳрүттүнген. Бир дугаарында 1986 чылдын сезонунда кѳступ келген. Ол ынчан Киевке ССРЭ-ниӊ чиик атлетика чемпионадынга, 1500 метрге хүлер медальды чаалап алган. 1988 чылдыӊ чемпионадынга база ушку черге болган. 1989 чылда Горькийге ССРЭ-ниӊ чемпионадынга 1500 биле 3000 метрге мѳнгүн биле хүлерни алган. 1990 чылда Челябинскиге, кышкы чемпионатка 3000 метрге чемпионнап каан. Ол дээш Сплитке Европа чемпионадынга киришкеш, дѳрт дугаар черни алган. 1991 чылда ССРЭ-нин Волгоградка дуглаглыг черге чемпионадынга 3000 метрге тиилээш, 1500 метрге үшкү черни алган. Оон соонда Севильге, делегей чемпионадынга, Европа кубогунга Франкфуртка үшкү болган. 1992 чылда СНГ чыынды командазынга Европаннын мѳнгүн медалин Генуега, Туринге чаалап алган - Гран-при ИААФ.
1993 чылда Россия чемпионадынга 1500 метрге үшкү болган. Оон соонда Штутгартка делегей чемпионадынга 800 метрге ийиги болган. Европа кубогунга, Римге- ийиги, а Гран-при ИААФ, Лондонга тиилеп каан. 1994 чылда 1500 метрге Бирмингемге Европа кубогунга тиилеп каан. Хельксингиге Европа чемпионадынга база Санкт-Петербургка «Игры доброй волиге" дѳртку болган.
1995 чылда Барселонага делегей чемпионадынга үшкү болган. 1998 чылдыӊ сезонунда Кремлёва 5000 метрге хүлер медальды чаалап алган - "Игры доброй воли" Юниондейлге. 1999 чылда Москвага Россиянныӊ кышкы чемпионадынга 3000 метрге ийиги черни алган.  2000 чылда Волгоградка Россияннын кышкы чемпионадынга 3000 метрге тиилеп каан. 2001 чылда Иокогамага командада эштери биле экиденге Россия рекордун тургускан. 2002—2007 чылдарда АКШ-тын шоссе маргылдааларынга чедиишкинниг киржип турган.

Ажылы.

Сѳѳлзүредир Одинцовоннун «Атлант» клувунга тренерлеп турган.