Куулар, Додоо Бегзи оглу
|
Додоо Бегзи оглу Куулар | |
|---|---|
Додоо Бегзи оглу Куулар — Чөөн-Хемчиктиң Баян-Тала сумузунуң мөгези.
Намдары
[эдер | вики-сөзүглелди эдер]Чөөн-Хемчиктиң Баян-Тала сумузунга 1937 чылда төрүтүттүнген. Чадаанага чолаачылар курузун дооскаш, чолаачылап ажылдап турган. Додоо Куулар бодунга улуг бүзүрелдиг, эрес-кашпагай, дидим хүрежи база чүгле бодунуң ажыглаар тускайлаң аргалары болгаш чараш девии-биле онзаланып, көрүкчүлерниң үнелелин чаалап алган. Ол удурланыкчыларын психологтуг белеткел-биле ажып, бодундан улуг-шыырак мөгелерни болганчок-ла октаар турган.
Ол 1961 чылда Тыва автономнуг областың Тыва АССР апарганынга тураскааткан хүрешке база спорттуң национал хевирлеринге область спартакиадазынга 64 кг деңзиге шүүлген. 1964 чылда Сибирь болгаш Ыраккы Чөөн чүк улустарының спартакиадазынга шүүлген. 1994 чылда ону "Тыва Республиканың күш-культура болгаш спортунуң тергиини" деп хөрек демдээ-биле щаңнаан.
Дөзү
[эдер | вики-сөзүглелди эдер]- "Тываның алдарлыг мөгелери" (Знаменитые борцы Тывы). Ооржак Сергей Ынаажык-оглу. 2005 ч.