Куулар, Елена Мандан-оол кызы

Елена Мандан-оол кызы Куулар
Төрүттүнген хүнү	1964 апрельдиң 7(1964-04-07) (59 хар)

Елена Мандан-оол кызы Куулар (орус. Еле́на Мандан-ооловна Куулар; 1964 чылдың апрель 7-де төрүттүнген) — россий филолог, тыва дыл шинчилекчизи, филология эртемнериниң кандидады, Тываның күрүне университединиң филология факультединиң тыва филология болгаш ниити дыл эртеминиң кафедразының доцентизи. Амгы үеде Тываның Национал школа хөгжүдер институдунуң директору.

Намдары

Елена Мандан-оол кызы Куулар 1964 чылдың апрель 7-де Тыва АССР-ниң Мөңгүн-Тайга районунуң Мугур-Аксы суурга төрүттүнген.

1981 чылда Мугур-Аксының ортумак школазын дооскан.

1988 чылда Кызылда күрүнениң башкы институдунуң филология факультедин дооскан.

1988–1990 чылдарда Мугур-Аксының ортумак школазынга орус дыл болгаш чогаал башкызы кылдыр ажылдап турган.

1990–1991 чылдарда – Кызылда күрүнениң башкы институдунуң орус дыл башкылаар методика кафедразының ассистентизи.

1991 чылдың январь 2-ден апрель 1-ге чедир – Кызылда күрүнениң башкы институдунуң орус дыл башкылаар методика кафедразының лаборантызы.

1991–1994 чылдарда – Кызылда күрүнениң башкы институдунуң тыва филология кафедразының ассисентизи.

1993–1997 чылдарда – Кызылда күрүнениң башкы институдунуң төөгү-филология/филология факультединиң деканының өөредилге ажылының талазы-биле оралакчызы.

1994–1999 чылдарда – Кызылда күрүнениң башкы институдунуң/Тываның күрүне университединиң тыва филология кафедразының улуг башкызы.

1997 чылда Тываның күрүне университединиң бот-өөредилгелиг хевирде аспирантуразынга киргеш, 2003 чылда филология эртемнериниң доктору, профессор Б.И.Татаринцевтиң удуртулгазы-биле Россияның Эртемнер академиязының Дыл эртеминиң институдунга "Тываның мурнуу-чөөн чүгүнде чурттакчыларның тыва чугаазының характеристиказы" деп темага филология эртемнериниң кандидадының эртем чадазын алыры-биле киирген диссертациязын камгалап алган.

1999–2007 чылдарда – Тываның күрүне университединиң тыва дыл болгаш чогаал/тыва дыл кафедразының улуг башкызы.

2003 чылдың апрель 4-тен декабрь 31-ге чедир – Тываның күрүне университединиң филология факультединиң деканының өөредилге ажылының талазы-биле оралакчызы.

2006–2007 чылдарда – Тываның күрүне университединиң тыва дыл кафедразының эргелекчизи.

2007 чылдың январь 30-ден октябрь 8-ке чедир – Тываның күрүне университединиң филология факультединиң деканы.

2007 чылдан амга дээр – Тываның күрүне университединиң тыва дыл/тыва болгаш ниити дыл эртеминиң/тыва филология болгаш ниити дыл эртеминиң кафедразының доцентизи.

2017–2022 чылдарда – Тываның күрүне университединиң тыва филология болгаш ниити дыл эртеминиң кафедразының эргелекчизи.

2022 чылдан амга дээр – Тываның Национал школа хөгжүдер институдунуң директору.

Шаңналдары

Тыва дыл шинчилелиниң талазы-биле үре-түңнелдиг ажылдары дээш Елена Мандан-оол кызы аңгы-аңгы албан черлериниң хүндүлел бижиктери-биле каш-даа удаа шаңнадып турган.

• Тыва Республиканың Өөредилге болгаш эртем яамызының хүндүлел бижии (2014)
• Россия Федерациязының Өөредилге болгаш эртем яамызының хүндүлел бижии (2015) — Өөредилге процезин сайзыраңгайжыдар талазы-биле хөй чылдар дургузунда ажылдап, бедик мергежилдиг специалистерни белеткээринге киирген үлүг-хуузу дээш
• Тыва Республиканың Дээди Хуралының (Парламентизиниң) хүндүлел бижии (2016)
• Тыва Республиканың Баштыңының хүндүлел бижии (2019) — Өөредилге болгаш эртем талазы-биле хөй чылдар дургузунда кызымаа-биле ажылдааны дээш"

Айтыглар

Орус дыл кырында википедия чүүлүнден очулдурган.^{Орус Википедиядан көжүрер болза эки}