Кызыл-Даг школазы

Кызыл-Даг школазы (Бай-Тайга кожуун) – Тываның Бай-Тайга кожуунунуң Кызыл-Даг суурнуң чаңгыс борбак ниити ортумак өөредилге чери.

Адрези – индекс 668012, Тыва Республика, Бай-Тайга кожуун, с.Кызыл-Даг куд. Көөп-Сөөк, 16.

Төөгүзү

1949 чылда суурнуң бөдүүн тудугжулары тургускан.

Бирги директору - Хертек Майны (?).

Баштай школа 7 чылдыг турган. Чоорту ортумак школа апарган.

1995 (1996) чылдан эгелеп "улусчу педагогика" деп программа эгелээн. Ында "использование элементов народной педагогики в воспитании и образовании учащихся" деп шенелде ажыл эгелээн.

Улусчу педагогика

Улусчу педагогика программазын тургузарда тыва улустуң шагдан тура эдилеп келген ужур-чаңчылдарының эки-багай талаларын бүгү-тала-биле өөренип көргеш, өөредилге-кижизидилгеге ажыктыг чүүлдеринге даянган.

Аңаа хамаарыштыр ажылдап турган башкылар:

1. Түлүш Хураган-оол Балчый-оолович (тыва дыл башкызы)
2. Адыгбай Кызыл-оол Хертекович (төөгү башкызы, ынчан школа директору)
3. Күжүгет Елена Чыртак-ооловна (орус дыл башкызы, ынчан өөредилге эргелекчизи)
4. Сүге-Маадыр В.К. (эге класс башкылары)
5. Салчак Чодураа Сарыгларовна (эге класс башкылары)
6. Салчак Е.Д. (эге класс башкылары)
7. Сүрүң Александра Сарыгларовна (эге класс башкылары)
8. Моңгуш Өшкү-Саар Салчаковна (библиотекарь)

Эге класс башкылары боттарының класстан дашкаар ажылдарынга болгаш кичээлдерге тыва чаңчылдарының элементилерин ажыглап эгелээн башкылар болган.

Чижек темалар: "Саң салыры", "Чер дагыыры", "Суг дагыыры", "Чалбарыглар" (отка, сугга...), "Йөрээлдер", "Ужур-дүрүмнер", "Өгге кирерде...", "Кыс уругнуң кижизидери", "Оол уругнуң кылыр ажылдары", ...

Дөзү

1. Letopisi.Ru — «Время вернуться домой»