Мадемуазель Ла Фонтен

Мадемуазе́ль Ла Фонте́н или де Ла Фонтен (фр. Mlle Fontaine; La Fontaine; de La Fontaine; 1655, Париж — 1738, Париж) — француз херээжен самчы, делегейде бир дугаар профессионал херээжен балет самчызы.

Шагда фехтованиеден адырлып тывылган балетти чүгле эр улуска хамааржыр кылдыр санап турган. Кыс улустуң оюннарын безин аныяк эр улус күүседип турган. Херээжен самчы улус чүгле 17 чүс чылдың ортан үезинде тыптып эгелээн. Бир дугаар самчы херээжен кижи француз мадемуазель Ла Фонтен деп санаттынып турар.

Намдары

Парижке 1655 чылда төрүттүнген. Чуртталгазының эгеки чылдарының дугайында кандыг-даа медээлер чок. Ооң шын ады амгыүеге чедир кадагалаттынып артпаан. Француз чаңчыл ёзугаар бир кижини адаарда чүгле фамилиязын адаар турган. Кижиниң адын чүгде чоок улузунуң аразнда чугаалажырда, адажырда ажыглаар чораан. Өске улус аразында чугаалажыырда чүгле фамилиязын адажыр турган.

Мадемуазель Ла Фонтен 1681 чылда Парижтиң Операзының сценазынга «Ынакшылдың тиилелгези / Триумф любви» (Le Triomphe de l’Amour) деп шии үезинде бир дугаар самнап үнүп келген. Ол үеде бир дугаар херээжен кижи шииде херээжен кижи орнунда танцылап унүп келген. Аңаа чедир 4 ай бурунгаар, 21 январь 1681 чылда ол көргузүгнү Сен-Жермен ордуга Людовика XIV хааның болгаш ооң кадынының мурнунга көргүскен, чүгле ооң соонда хөй улус мурнунга барып үндүрген.

«Британника» энциклопедиязында м-ль Ла Фонтен оон өске шиилерге база киржип турган: «Persée», «Amadis», «Didon», «Le Temple de la paix». База ол ышкаш оон-даа өске шиилерге киржип турган деп санаттынып тургар: «Phaéton» (1683, хореограф Пьер Бошам) и «Acis et Galatée» (1686, хореограф П.Бошам).

Ол үеде балет чүгле тыптып кээп, уран чүүлдүң база бир хевири кылдыр чаа тургустунуп турган. Ынчангаш аңгы балеттиң техниказы-даа турбаан. 17 чүс чылда эр улустуң самынга улуг кичээнгей салып, херээжен улустуң самын ийиги черже салып турганнар. Ынчалза-даа ооң сценаже үнүп кээрин көрүкчүлер четтикпейн манап, сцена кырынга чараш шимчээшкиннерин катап-катап көрүксээр турган. Парижтиң Ореразының сценазынга 20 чыл танцылап кээрге ону «самның кадыны / королева танца» — reine de la danse деп адап турганнар.

1693 чылда м-ль Ла Фонтен хүрээже хуурактап чорупкан.

1738 чылда Парижке чок болган.

Сактыышкыны

Делафонтенниң баштай сцена кырынче унүп эгелээн чылын демдеглээш азып каан Гюстав Буланжениң чураан чуруу Гранд-Операның Танцы фойезинде өске Операның XVII чүс чылдың төнчүзү — XIX чүс чылдың ортузунуң алдарлыг самчылары-биле кады азып каан.