Мэнсфилд, Арабелла

Википедия деп сайттан

Арабелла Мэнсфилд

англ. Arabella Mansfield

Портрет
Төрүттүнген хүнү 1846 майның 23(1846-05-23)[1][2][3]
Мөчээн хүнү 1911 августтуң 1(1911-08-01)[2][3] (65 хар)
Чурт

Арабелла Мэнсфилд (төрүттүнгенде Белла Аурелия Бабб (англ. Arabella Mansfield); 23 маяй 1846, Берлингтон (Айова), США төр. — 1 августа 1911 өлг.) — АКШ-та бирги херээжен юрист. 1869 чылда Айова штатка ажылдаар кылдыр чөпшээрелди алган.

Намдары[эдер | вики-сөзүглелди эдер]

Белла Аурелия Бабб Маунт Плезантке (штат Айова) Уэслиан колледжче кирип алган. Ынчан-на фамилиязын Арабеллу кылдыр солудуп алган. Ону дооскаш, өөредилгезин Айовада Уэслиан университетке (Iowa Wesleyan University) уламчылаан.

1866 чылда Индианольда Симпсон колледжинге (Simpson College) англи дыл болгаш төөгү, база политиктиг эртемнер башкызы кылдыр ажылдай берген.

1868 чылда ол Айовада Уэслиан университеттиң англи дыл болгаш төөгү башкызы профессор Джон Мелвин Мэнсфилд-биле өгленип алган. Өөнүң ээзи Арабеллге эрге-хоойлу шинчилээрин сүмелээн. Ол юриспруденцияны өөренип, юридиктиг практиказын 1869 чылга чедир акызының болчукчулар конторазынга эртип турган.

1869 чылда юриспруденцияга чүгле 21 хар ашкан ак кештиг эр улус ажылдап болур деп, кара кештиг болгаш херээжен улуска хоруглуг деп хоойлу бар-даа турган болза, Арабеллага шылгалдаларны дужаарын чөпшээрээн. Оларын Арабелла Мэнсфилд чедиишкинниг дужаап алган. Мэнсфилд шылгалдаларын дужаап алган болгаш АКШ-та бир дугаар херээжен юрист болганының соонда, Айова штат хоойлуларынче эдилгелерни кииргеш, Америкада бир дугаар херээжен улуска юридиктиг практика чорудуп болур деп чөпшээрелди берген бир дугаар штат апарган.

А. Мэнсфилд присяга хүлээп алгаш, болчукчулар коллегиязынче кирген. Чүгле ынчап болур деп чүүлдү улуска көргузүп кааш, боду чогум юридиктиг практика черле кылбайн чораан. Чүгле башкылап чораан болуп турар, соонда барып Айовада Уэслиан университеттиң башкызы кылдыр, оон Уран чүүл школазының деканы (1893) кылдыр база хөгжүм школазының факультединиң эргелекчизи (1894) кылдыр ажылдаан.

1893 чылда ол юрист херээженнерниң Национал лигазының кежигүнү апарган. Херээжен улуска соңгуур эрге бээр кылдыр чедип алыры-биле идепкейлиг шимчээшкиннерни кылып турган.

1980 чылда Арабелла Мэнсфилдтиң ады Айова штаттың Херээжен Алдар Залынче кирген. 2002 чылда Айова штаттың тулган херээжен юристтерин шаңнаар Арабелла Мэнсфилд аттыг шаңнал тургустунган.

Шөлүглер[эдер | вики-сөзүглелди эдер]

  1. Encyclopædia Britannica (англ.)
  2. 2,0 2,1 FemBio: Банк данных о выдающихся женщинах
  3. 3,0 3,1 The Biographical Dictionary of Iowa (англ.)University of Iowa Press, 2008. — ISBN 978-1-58729-685-7