Натпий-оол, Кара-оол Доңгак оглу
|
Натпий-оол Кара-оол Доңгакович | |
|---|---|
| Төрүттүнген хүнү | 05.03.1947 ч. |
| Төрүттүнген чери | Чодураа суур, Улуг-Хем, Тыва АО |
Натпий-оол Кара-оол Доңгак оглу (1947 чылдың Март 5-те Улуг-Хем кожуунуң Чодураа суурга төрүттүнген) – шүлүкчү, прозачы, журналист, Тыва Республиканың алдарлыг ажылдакчызы, Россия Федерациязының күш-культуразының болгаш спорттуң тергиин, ССРЭ-ниң журналистер эвилелиниң болгаш, Тыва Республиканың чогаалчылар эвилелиниң кежигүнү.
Намдары[эдер | вики-сөзүглелди эдер]
1947 чылдың Март 5-те Улуг-Хем кожуунуң Чодураа суурга төрүттүнген. Өөреникчи чылдары Чаатының 8 чылдыг школазынга, Шагаан-Арыгның №2 ортумак школаларынга эрткен.
Омскунуң совет-партия школазын, Новосибирскиниң Дээди партия школазының журналистика факультедин, М. Горький аттыг Литература институдун дооскан.
Ак-Тал көдээ клувунга эргелекчилеп күш-ажылчы намдарын эгелээн, комсомол комитединге, партия комитединге секретарь бооп , Каа-Хем биле Улуг-Хем кожууннарының культура килдистеринге эргелекчилээн. Каа-Хем кожуунуң комитединиң секретары, Тожу кожууннуң спорт комитединиң даргазы. «Улуг-Хемниң чалгыглары» деп чечен чогаал каттыжыышкынының удуртукчузу.
Чогаал ажылы[эдер | вики-сөзүглелди эдер]
Чогаал ажылын 1965 чылда эгелээн. Баштайгы шүлүү «Сылдысчыгаш» солунга парлаттынган. Шүлүктериниң баштайгы чыындызы «Өөрүшкүнүң сөзү» 1984 чылда чырыкче үнген, дараазында «Ынакшылдың сөөлгү белээ» 1995 чылда парлаттынган. С. Есенинниң, А. Блоктуң, О. Хайямның шүлүктерин тыва дылче очулдурган. Ооң шүлүктери орус, казах моол дылдарже очулдуртунган.
Тожу кожуунга «Өдүген» деп, чогаадыкчы каттыжыышкынның организакчыларының бирээзи болуп, Каа-Хем кожуунга «Каа-Хемниң хаяазы» деп, чогаадыкчы каттыжыышкынны удуртуп турган. Улуг-Хем кожуунга «Улуг-Хемниң чалгыглары» деп, чогаадыкчы каттыжыышкынны удуртуп турган.
«Өөрүшкүнүң сөзү» (1984), «Ынакшылдың сөөлгү белээ» (1995), «Сыын-Чүрээ» (2003) деп шүлүктер чыындыларының автору. Хөй сураглыг улус-чонга билдингир ырыларның автору.
Алдар-ады[эдер | вики-сөзүглелди эдер]
- Тыва Республиканың алдарлыг ажылдакчызы
- ССРЭ-ниң журналистер эвилелиниң
- Тыва Республиканың чогаалчылар эвилелиниң кежигүнү
- Россия Федерациязының күш-культуразының болгаш спорттуң тергиини.
Дөс[эдер | вики-сөзүглелди эдер]
- Википедия:Статьи с ручной викификацией дат в карточке
- Википедия:Викибердингеннерде уткаларын солаан чүүлдер
- Ат чок майык-карточкаларлыг чүүлдер
- Алфавитээн кижилер
- Алфавитээн чогаалчылар
- Википедия:Чуруктары чок чогаалчылар чүүлдери
- Викитекаже шөлүг чок чогаалчылар чүүлдери
- Webarchive template wayback links
- М.Горький аттыг Чогаал институдунуң доозукчулары