Ондар, Дарыма Киш-Чалааевич

Википедия сайттан
Шилчиир: навигация, дилээр
Дарыма Киш-Чалааевич Ондар
Төрүттүнген чылы:

1934 апрельдиң 10(1934-04-10)

Төрээн чери:

Тыва Арат Республика

Өлген чылы:

2000 июньнуң 12(2000-06-12) (66 хар)


Дарыма Киш-Чалааевич Ондар (апрель 10, 1934 чыл – июнь 12, 2000 чыл) — тыва фольклор чыыкчызы, улусчу эмнелгениң лама-эмчизи, Тыва Республиканың алдарлыг ажылдакчызы. Тыва Республиканың Чогаалчылар эвилелиниң кежигүнү чораан.

Намдары[эдер | вики-сөзүглелди эдер]

Д. Ондар 1934 чылдың апрель 10-да Тыва Арат Республиканың Чөөн-Хемчик кожууннуң Манчүректе Үстүү-Чыргалыг-Ойга төрүттүнген. Суг-Аксының чеди чыл школазын, Кызылдың башкы училищезин, совет-партия школазын, Кызылда күрүнениң башкы институдун дооскан.

Күш-ажылчы базымын Алдан-Маадыр суурга кижизидикчи башкыдан эгелээн. Өвүрнүң комсомол райкомунга секретарьлап, Саглы, Алдан-Маадыр, Бора-Тайга, Суг-Аксы школаларынга башкылап, Тываның дыл, литература болгаш төөгүнүң эртем-шинчилел институдунга ажылдааш, бичии эртем ажылдакчызындан улуг эртем ажылдакчызынга четкен.

Тыва чоннуң аас чогаалын — тоолдарны, тоолчаан домактарны чыып, оларны чырыкче үндүрген болгаш аас-чогаалының экспедицияларын, тоолчуларның чыыштарын кылган. Тыва сыгыт-хөөмейни республикадан дашкаар нептередир ажылдарны кылырынга үлүг-хуузун киирген. Ол «Тыва тоолдар» (1968), «Демир-Шилги аъттыг Тевене-Мөге» (1972), «Тыва улустуң тывызыктары» (1976), «Баазаңайның тоолдары» (1980), «Бора-Шокар аъттыг Боралдай» (1983) дээш өске-даа номнарның чыып тургускан автору.

Дөс[эдер | вики-сөзүглелди эдер]

  • Ном «Тываның чогаалчылары / Писатели Тувы». 2000 ч.