Ооржак, Өшкү-Саар Аракчаа кызы

Ооржак Өшкү-Саар Аракчаа кызы (1944 чылдың февраль 27, Мөген-Бүрен, Мөңгүн-Тайга, ТАР) – Тывада сураглыг малчын, ветеринар эмчи, Тыва Республиканың Хөй-ниити палатазының кежигүнү, Тыва Республиканың Ордениниң кавалери, Россия Федерациязының көдээ ажыл-агыйының алдарлыг ажылдакчызы, Тыва Республиканың алдарлыг ажылдакчызы.

Намдары

Өшкү-Саар Аракчааевна Ооржак 1944 чылдың февраль 27-де Тыва Арат Республиканың Мөңгүн-Тайга кожуунунуң Мөген-Бүрен сумузунга төрүттүнген.

Хөй чылдарда «Мөген-Бүрен» совхозунуң улуг ветеринар эмчизи кылдыр, оң соонда ооң директору кылдыр ажылдап чораан.

2001 чылдан тура амгы үеге чедир «Мөген-Бүрен» аттыг Күрүнениң унитарлыг бүдүрүлге черин удуртуп чоруур. 1980 чылдарның төңчүзүнде берге үелерде дыка хөй көдээ ажыл-агыйның үдүрүлге черлери хагдынып турар үеде ол бодунуң төрээн суурунуң бүдүрүлгезин кадагалап арттырган болгаш амгы үеде эки түңнелдерни көргузүп чоруур. Ө-С. А. Ооржактың удуртулгазы-биле бүдүрүлге черинде сүт, дүк, сарлык эъдин болбаазырадыр мини-цехтер ажыттынган. Кожуунну болгаш республиканы боттарының үдүрүп үндүргени сүт болгаш эът-биле хандырып турар (изиткен (пастерлээн) сүт, сметан, база – курут, чөкпек, быштак, өреме, хеңме дээш оон-даа өске).

Бүгү чуртталгазында хөй-ниити ажылын база идепкейиг чорудуп турган. Көдээде херээженнер аразында улуг ажылды чорудуп турар: оларны хөй-ниити ажылынче хаара тудуп, тыва чиңгине хөй ажы-төлдүг, эп-найыралдыг өг-бүлениң ужур-утказын тарадып чоруур. Ол Тыва Республиканың Хөй-Ниити палатазының экономика сайзыралының болгаш сайгарлыкчы айтырыгларын харыылаар комитединиң даргазы.

Шаңналдары болгаш алдар ады

• Тыва Республиканың Ордениниң кавалери
• «Трудовая Слава» хүндүлүг орденниң кавалери

• Россия Федерациязының көдээ ажыл-агыйының алдарлыг ажылдакчызы

• Тыва Республиканың алдарлыг ажылдакчызы.

Айтыглар== 1. Глава Тувы поздравил с юбилеем кавалера Ордена Республики Ошкуу-Саар Ооржак Archived 2020-06-23 at the Wayback Machine

2. Животновод Ошку-Саар Ооржак покорила Совет Федерации Archived 2020-06-25 at the Wayback Machine

3. Глава Тувы провел рабочую встречу с руководителем ГУП «Моген-Бурен» Ошку-Саар Ооржак Archived 2020-06-22 at the Wayback Machine

4. Сегодня празднует свой День рождения руководитель ГУП «Моген-Бурен» Монгун-Тайгинского района Ооржак Ошку-Саар Аракчааевна

5. Ошку-Саар Ооржак: Нашу племенную работу в этом году на выставке в Чите оценили очень высоко

6. ОШКУ-СААР ООРЖАК ИЗ МОНГУН-ТАЙГИ СТАЛА ЭЛИТОЙ НАЦИИ