Помидор

Википедия деп сайттан
Бөдүүн томат

Помидор (азы томат) – томатты Тывада бакчаларда (бакшаларда, огородтарда) хөйү-биле тарып, өстүрүп турар. Тывада томаттың янзы-бүрү чергелери (сорттары) нептереңгей болуп турар. Томаттың картының тургузуунда, азоттуг бүдүмелдер болгаш чигир аймаа, нимбегелиг (лимоннуг), алмалыг (айлымныг, яблоктуг) ажымалдар (кислоталар), калий, имис (фосфор), демирниң дустары, каротин, С, В1, В2, Р, К витаминнер бар. Эң ылаңгыя С витамин бары-биле томат нимбегеге (кайы дыл? бадыткал херек) (лимонга), араңгыга (нараңгыга, апельсинге) деңнежир.

Ириңнелир балыгларның микробтарынга удур томат канчаар-даа аажок күштүг дээштиг, чүге дээрге, томатта фитонцидтер дээр бүдүмелдер бар, ынчангаш бакчаның (огородтуң) чамдык үнүштериниң хоралакчыларын чок кылырыңга ажыглап турар. Томатта янзы-бүрү витаминнер хөй чүве болганда, ону эмнегде-даа (медицинага-даа), чонда-даа калбаа-биле ажыглап турар.


Дөзү[эдер | вики-сөзүглелди эдер]

  1. Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"