Пошелюжный, Иван Порфирьевич
Пошелюжный, Иван Порфирьевич (1940 чылдың октябрь, Вишневка, Омск облазы) - совет болгаш российжи алдарлыг чер тургузукчузу. Россияның хүндүлүг чер тургузукчузу, Тыва АССР-ниң алдарлыг чер тургузукчузу.
Намдары[эдер | вики-сөзүглелди эдер]
Иван Пошелюжный 1940 чылдың октябрьда Омск областың Вишневка деп сууржугажынга төрүттүнген.
1965 чылда Омскиниң көдээ ажыл-агый институдун дооскаш, инженер-чер тургузукчузу деп мергежилди чедип алган. Тывага хураашкын ёзугаар келген. Танывазы республика эң эгезинден-не аңаа өске ышкаш көзлбээн: ол Сибирьниң бот-бодун деткижер, экииргек сүлдезинге бүргеткен болган.
Карьеразы[эдер | вики-сөзүглелди эдер]
Шилип алган мергежилинге Иван Пошелюжный кажан-даа өскерлип көрбээн: ооң күш-ажыл дептериниң одуругларынче көргеш-ле, аңаа бүзүреп болур.
1965-тен 1972 чылга чедир – инженер-чер тургузукчузу, улуг инженер-чер тургузукчузу, Тываның чер экспедициязының партия начальниги.
1972-1983 чылдарда Тываның шинчилел экспедициязының төлевилел килдизиниң начальниги.
1983-1991 чылдарда «Востсибгипроземниң» төлевилел килдизиниң начальниги болгаш директорунуң хүлээлгезиниң күүседикчизи.
1991-1998 чылдарда «Тыва күрчеркомнуң» кол специализи, чер тургузар болгаш черлерни эде хуваар килдизиниң эргелекчизи, даргазының оралакчызы, бирги оралакчызы.
Бүдүрүлгениң аттарының өскерилгени ажылдың ужурун өскертпээн: ол үжен чыл ажыр тыва черге бараан болуп келген. Ооң удуртулгазы-биле төлевилел-шинчилел ажылы, черлерни шинчилеп, планнап чурууру, бойдус байлактарын чөп ажыглаар талазы-биле ажыл чоруп турган.
Иван Прфирьевич ол ужен ажыг чыл дургзунда бүгү Тываны кезип каапкаш, ооң хөй хевирлерин кажан-даа могаг-шылаг чок магадаар чораан: дүмбей тайга, көк меңгилиг даглар, өртең-сарыг кургаг хову, шапкын даг хемнери, дус чок болгаш дустуг хөлдер, ол бүгү – Тыва.
Ынчалдыр Омск область чурттуг Иван Порфирьевич Пошелюжный бодунуң бүгү медерелдиг улуг чуртталгазын тыва черге бараалгаткан.
Тозан чылдарның төнчүзүнде ажы-төлүнүң чанынче, Выборгче көжүп чорупкан. Амгы үеде ында чер тургузар улуг фирмада ажылдап чоруур.
Шаңналдары, ат-алдары[эдер | вики-сөзүглелди эдер]
- Тыва АССР-ниң Дээди Чөвүлелиниң Президиумунуң Хүндүлүг бижии
- Россияның хүндүлүг чер тургузукчузу
- Тыва АССР-ниң алдарлыг чер тургузукчузу
- «XX чүс чылда Тываның алдарлыг кижилери» деп күрүне номунче ооң ады кирген.
Дөс[эдер | вики-сөзүглелди эдер]
- Иван Порфирьевич ПОШЕЛЮЖНЫЙ // XX чүс чылда Тываның алдарлыг кижилери. Күрүне ному. Кызыл. 2004. С. 147
- Как наш земляк двух тувинцев мирил
Шөлүглер[эдер | вики-сөзүглелди эдер]