Сериков, Тулеуш Пауеден оглу

Тулеуш Пауеден оглу Сериков
Тулеуш Пауеден оглу Сериков
Төрүттүнген хүнү:	1948 февральдың 21
Төрүттүнген чери:	Курмангазинский район[d], Атырауская область[d], Казахская ССР[d], ССРЭ;
Мөчээн хүнү:	2018 майның 14 (70 хар)
Мөчээн чери:	Атырау[d], Казахстан;
Альма-матер:	Казахский национальный педагогический университет имени Абая[d];
Эртем деңнели:	доктор химических наук[d]

Тулеуш Пауеден оглу Сериков (каз. Төлеуіш Пәуеденұлы Серіков; 1948 чылдың февраль 21 – 2018 чылдың май 14) – Казахстанның хөй-ниити ажылдакчызы, эртемден, химия эртемнериниң доктору (1995), профессор.

Намдары

Тулеуш Пауеден оглу Сериков 1948 чылдың февраль 21-де Гурьев (амгы үеде Атырау) облазының Курмангазы районунуң Сафроновка суурга төрүттүнген.

Адазы – Сериков Пауеден Серик оглу (1925—1982), Ада-чурттуң Улуг дайынының хоочуну, саң-хөөчү болуп ажылдап турган. Иези – Серикова Жамал (1928—1992), башкы турган.

1969 чылда Гурьевтиң күрүнениң башкы институдунуң «химия биле биология» мергежилин, улаштыр ССРЭ-ниң Эртемнер Академиязының А. В. Топчиев аттыг Москваның нефть-химия синтезиниң институдунуң аспирантуразын дооскан.

1999 чылда Абай аттыг Казах күрүнениң башкы университединиң юридиктиг факультедин «юрист» мергежилинге дооскан.

1980 чылда химия эртемнериниң кандидадының эртем чадазын камгалап алган.

1995 чылда «Бедик температуралыг нефтиден үндүрүп алыр күгүр, бензин, нефть-химиктиг чиг эттиң тургузуу, шынары болгаш оларны үндүрүп алырының аргалары» деп темага химия эртемнериниң докторунуң эртем чадазын алыры-биле киирген диссертациязын камгалап алган.

1969–1970 чылдарда – ССРЭ-ниң Эртемнер Академиязының Москваның нефть-химия синтезиниң институдунуң стажёр-шинчилекчизи.

1971–1972 чылдарда – Казах ССР-ниң Эртемнер Академиязының Нефть болгаш чайгаар бүткен тустар химиязының институдунуң инженери.

1975-1984 чылдарда – Казах ССР-ниң Эртемнер Академиязының Нефть болгаш чайгаар бүткен тустар химиязының институдунуң биче эртем ажылдакчызы, улуг эртем ажылдакчызы, лаборатория эргелекчизи.

1984–1995 чылдарда – В.И. Ленин аттыг Казах политехниктиг институттуң Гурьев хоорайда салбырының ниити техника факультединиң деканы, эртем-өөредилге төвүнүң директору, салбырның директору.

1995–1999 чылдарда – Атырау облазындан Казахстан Республиказының Парламентизиниң Сенадының І чыыжының депутады^[1].

1998–2011 чылдарда – Атыраунуң нефть болгаш газ институдунуң үндезилекчизи болгаш бир дугаар ректору.

Шаңналдар болгаш хүндүлүг аттары

Делегейниң инженер академиязының академиги
Казахстан Республиказының Национал инженер академиязының академиги
Евразияның делегей экономиказының академиязының академиги
Х. Досмухамедов аттыг Атыраунуң күрүне университединиң хүндүлүг профессору
«Астана» деп тураскаал медаль (1998)
«Курмет» ордени (2004 чылдың декабрь)^[2]
«Казахстан Республиказының тускайлаң чорук чарлаанының 10 чылы» деп медаль (2001)
«Казахстан Республиказының Үндезин хоойлузунуң 10 чылы» деп медаль (2005)
«Казахстан Республиказының тускайлаң чорук чарлаанының 20 чылы» деп медаль (2011)
«Казах ССР-ниң Улус өөредилгезиниң тергиини» деп хөрек демдээ
«Казахстан Республиказының өөредилгезиниң тергиини» деп хөрек демдээ
«Казахстан Республиказының өөредилгезиниң хүндүлүг ажылдакчызы» деп хөрек демдээ
«Ыбырай Алтынсарин» деп хөрек демдээ
«Ахмет Байтурсынулы» деп хөрек демдээ
«Атырау хоорайның хүндүлүг чурттакчызы» деп хүндүлүг ат
«Атырау облазының хүндүлүг чурттакчызы» деп хүндүлүг ат
«Курмангазы районунуң хүндүлүг чурттакчызы» деп хүндүлүг ат
Казахстан Республиказының Бирги Президентизиниң өөрүп четтириишкин бижии (үш дакпыр)

Демдеглелдер

Айтыглар

При написании этой статьи использовался материал из издания «Казахстан. Национальная энциклопедия» (1998—2007), предоставленного редакцией «Қазақ энциклопедиясы» по лицензии Creative Commons BY-SA 3.0 Unported.

[1] Конференция, посвященная юбилею ученого, педагога и известной личности Т. П. Серикова

[2] Состоялась церемония награждения государственными наградами РК 16 декабря 2004 года

[1]

[2]