Сүт хоюу
Сүт хоюу — Тывалар чаш уругларның хоюн бичиизинден тура хумагалаар. Арай арган төл болза, ол уругга сүт хоюн хүннүң-не бичиилеп бээр. Сүт хоюн үндүрүп алыр белен. Хой сүдүн азы инек соңгузун бир савага аңгылай куткаш, сооксумаар черге хондур тургузуп каарга, эртенинде сүт кырынга бир илиг хире сүт хоюу турар. Сүт хоюн хымыш-биле шүүрей ускаш, тос хууңга кудуп алыр.
Часкы чавыртыңда чаш уругларның арны болгаш хочлары хорлай бээр болза, сүт хоюу-биле чааптарга, дораан чиде бээр.
Сүт хоюун чиг сүттен үндүрүп аарга, хоюг болгаш амданныг болур.
Дөс
[эдер | вики-сөзүглелди эдер]- Моңгуш КЕНИН-ЛОПСАҢ: ТЫВА ЧАҢЧЫЛ. Тыва чоннуң ыдыктыг чаңчылдары. – Тувинские традиции. Книга вторая: священные традиции тувинского народа. – Кызыл: Тувинское отделение педагогического общества при Министерстве образования республики Тыва: Издательство “Новости Тувы”, 1999. На тувинском языке. 352 с.