Торжу, Анна Намбыраловна
Торжу Анна Намбыраловна (1911 чылдың март 8, Аргалыг, Хендерге суур, Улуг-Хем кожуун, Урянхай край – 2006 чылдың январь 11, Кызыл хоорай, Тыва Республика) – Тываның баштайгы эртем-билигилиг эмчилериниң бирээзи, баштайгы тыва божудар эмчи, ССРЭ-ниң кадык-камгалалының тергиини, Кү-ажылды Кызыл Тук база Тыва Арат Республиканың Күш-ажыл орденнериниң кавалери.
Ооң адын «ХХ чүс чылда Тываның алдарлыг кижилери» деп күрүне номунда киирген, 1994 чылда «Кызылдың хүндүлүг хамаатызы» деп атты тывыскан.
Намдары[эдер | вики-сөзүглелди эдер]
Анна (Таки-Сүрүн) Намбыраловна Торжу 1911 чылдың март 8-те Улуг-Хем кожуунунуң Хендерге сумузунуң Аргалык деп черге төүттүнген.
Ооң адазы – Кыргыс Намбырал Моолга Хомду дайынының уезинде Улангом хемни кежип чыда чок болган. Оон эгелээш-ле, кээргенчиг амыдыралды көрүп эгелээн. Аар-берге кадыг ажылды ол кылып турган. 1923 чылда Хендерге биле Чааты суурлар аразынга ол солун-сеткүүл дажып эгелээн. Элээн болганда ол өске аняыктар-биле кады үжүк-бижикке өөренип алганнар.
Москвага өөренип турганы[эдер | вики-сөзүглелди эдер]
1931 чылда ону кезек уруглар-биле кады Москваның күрүнениң эмчи техникумунче өөредип чоргузупкан.
1933 чылда Максим Горький-биле танцылаанын мынчаар бижээн:
«Аялга ырлай бээрге, шупту сандайларын алгаш, кыдыынче танцылаар чер хостап чайлады бергеннер. Мен уругар аразынга чаштынып турган мен. Максим Горький бистиң талаже кылаштапты. Чоокшулап келгеш: "Кайыын силер, уруглар?" деп айтырды.
Шупту кайыын келгенин тайылбырлап чугааладылар. Мен Тыва Арат Республикадан келген мен деп харыылаарымга, "Мен ол чуртту билир мен, силерни танцыже чалап болур бе?" - дидир. Танцылаан бис. Максим Горький дыка бөдүүн, топтуг кижи болду».
А хүндүлүг чогаалчы бодунуң демдеглелдеринде мынчаар бижээн:
«Танцевал с тувинской девушкой. Она высока, стройна, ноги у нее, как электрические столбы. Думаю, что она на этих ногах еще черт знает сколько лет простоит».
Ол-ла кежээ Таки-Сүрүң тыва алдарлыг чогаалчы Степан Сарыг-оол-биле найыралдажып база алган.
1934 чылда өске сургуулдар-биле кады Москваның метрозунуң «Арбат» станциязының тудуунга база киришкеннер.
1935 чылдың июньда Таки-Сурун Намбыраловна Тывадан өске 3 уруг-биле кады шылгалдаларын эки дужаагаш, дипломнарын холга алганнар. Таки-Сүрүң акушер эртемниг болган.
Тываның баштайгы божудар эмчизи[эдер | вики-сөзүглелди эдер]
Тывага келген дораан ону Кызылдың эмнелгезинче чоргускан.
Москвадан кээрге дораан аңаа Улуг-Хемниң эриинге бажыңга бир өрээл аңгылап берген. Ол өрээлди ийи чаргаш, ол бир талазынга кадайларны анаа хүлээп, өске аталынга - оларны божудуп турган. Кожа-хелбээ суурларже база чай-даа, кыш-даа дивейн, кадайлар божудуп чоруп-ла турган.
Баштагы божудар эмнелге ажыттынарга-ла ол ынаар көже берген.
Өг-бүлези[эдер | вики-сөзүглелди эдер]
Москвага өөренип тургаш-ла Таки-Сүрүң КУТВ-ка өоренип турган Монгуш Торжу-биле таныжа бергеннер.
Кады дыка чай чок ажылдарлыг хирезинде 6 ажы-төлдү өстүрүп кижизиткеннер.
Шаңналдары, алдар ады[эдер | вики-сөзүглелди эдер]
Кылган ажыл-ижи дээш Анна Намбыраловна дараазында орденнер болгаш медальдар-биле шаңнаткан.
- ТАР-ның Күш-ажыл ордени,
- «За доблестный труд в Великой Отечественной войне» деп медаль
- «Кадык-камгалалдың тергиини» деп хөрек демдээ,
- Күш-ажылдың Кызыл Тук ордени
- «Тыва Республиканың кадык-камгалалының алдарлыг ажылдакчызы» деп хөрек демдээ.
Литература[эдер | вики-сөзүглелди эдер]
1. Анна (Таки-Сюрюн) Намбыраловна Торжу // Заслуженные люди Тувы XX века. Государственная книга Республики Тыва. Кызыл, 2004. С. 218.
2. Забелина Г.А. Женщины Тувы в семье и обществе в первой половине ХХ века. Кызыл, 2010. С. 120.
3. Шабаев М.Г. Очерки истории здравоохранения Тувы. Кызыл, 1975. С. 192.
4. Харунов Р.Ш. Формирование интеллигенции в Тувинской Народной Республике (1921 -1944 гг.). Абакан, 2009. С. 144.
5. 100 лет со дня рождения первого профессионального фельдшера Тувы Таки-Сурун Торжу // Новые исследования Тувы [электронный журнал] 8 марта 2011 – URL: http://www.tuva.asia/news/tuva/3108-torzhu100.h (чедимчок шөлүг) - [Дата обращения 14.11.2018]
6. Дыртык-оол М.О. ПЕРВАЯ АКУШЕРКА-ТУВИНКА АННА ТОРЖУ (ИСТОРИЯ ФОРМИРОВАНИЯ ПЕРСОНАЛЬНОЙ КОЛЛЕКЦИИ В МУЗЕЕ) // СОВРЕМЕННЫЕ НАУЧНЫЕ ИССЛЕДОВАНИЯ И РАЗРАБОТКИ. Издательство: Научный центр "Олимп" (Астрахань) EISSN: 2415-8402
Шөлүглер[эдер | вики-сөзүглелди эдер]
1. 100 лет со дня рождения первого профессионального фельдшера Тувы Таки-Сурун Торжу
2. В Туве увековечат память о первой тувинской акушерке
3. «НАУЧИТЬСЯ ПОМОГАТЬ ЖЕНЩИНАМ, КОГДА ОНИ РОЖАЮТ»
5. Первая больница в Туве (чедимчок шөлүг)
6. О славных женщинах Тувы Archived 2020-03-01 at the Wayback Machine