Тываның гуманитарлыг болгаш тускай социал-экономиктиг шинчилелдер институду (ТГТШИ)

Шөлүглер немээр
Википедия деп сайттан

Тываның гуманитарлыг болгаш тускай социал-экономиктиг шинчилелдер институду (ТГТШИ) – тыва чоннуң төөгүзүн, төрээн дылын, чаңчылчаан үндезин культуразын база социал-экономиктиг сайзыралын шинчилээр сорулгалыг Тываның баштайгы эртем төвү, Тываның дыл, литература болгаш төөгүнүң эртем-шинчилел институдунуң бүрүн эргелиг салгакчызы.

Институттуң төөгүзү[эдер | вики-сөзүглелди эдер]

1945 чылдың октябрь 1-де Тываның дыл, литература болгаш төөгүнүң эртем-шинчилел институдуну (ТДЛТЭШИ) бооп тургустунган. 1930 чылда ажылдап эгелээн Тыва Арат Республиканың Эртем Комитединиң дуржулгазын ажыглап үндезилеттинген.

ТДЛТЭШИ-ниң эге чылдарында Л.Б. Чадамба (институттуң бирги директору), Х.М. Сейфулин, А.А. Пальмбах, С.А. Сарыг-оол, С.С. Лопсан, М.Д. Биче-оол, А.М. Белек-Баир, А.Ч. Кызыл-оол, С.А. Сарыг-оол, О.К. Саган-оол, П.И. Калиничева, Н.З. Бакеева, В.М. Чистяков олар ажылды үре-түңнелдиг эгелээннер. Ынчан 3 сектор ажыттынган: дыл болгаш бижик сектору, аас чогаал болгаш чечен чогаал сектору, төөгү болгаш этнография сектору. 1950 чылда институтка Москва, Ленинград болгаш Одесса хоорайларның дээди өөредилге черлериниң доозукчулары, аныяк тускай эртемниглер Ю.Л. Аранчын, А.Ч. Кунаа, Ш.Ч. Сат, А.К. Калзан, В.Ч. Очур, С.И. Вайнштейн, Л.В. Гребнев, В.В. Осипова немежип келгеш, тыва эртемниң таваан салчып, шудургу ажылдаан.

Тыва эртемниң хөгжүлдезинге улуг үлүг-хуузун киирген шылгараңгай эртемденнер: А.А. Пальмбах, В.И. Дулов, Л.П. Потапов, С.И. Вайнштейн, Сердобов Н.А., М.П. Грязнов, А.П. Окладников, Э.В. Севортян, Е.И. Убрятова, В.М. Наделяев А.Д. Грач, М.А. Дэвлет, Л.Р. Кызласов, В.П. Дьяконова, С.Г. Кляшторный, Ф.Г. Исхаков, Г.Ф. Бабушкин, И.А. Батманов болгаш өскелер-даа.

Эртем төвүнүң ажыл-чорудулгазын чедиишкинниг удуртуп, эртем-билии, арга-дуржулгазы-биле улуг үлүг-хуузун институттуң янзы-бүрү чылдарда директорлары: Л.Б. Чадамба, Ю.Л. Аранчын, Ч.М. Доржу, В.Д. Март-оол, К.А. Бичелдей олар киирген. 2012 чылдан бээр институту М.М.-Б. Харунова удуртуп баштап турар.

Эртем ажылдары[эдер | вики-сөзүглелди эдер]

70 чыл дургузунда институттуң эртем ажылдакчылары (12 эртем докторлары, 40 ажыг эртем кандидаттары) 400 ажыг эртем шинчилелдерин, словарьларны, чыындыларны чырыкче үндүрген.

Оларның санында:

  1. 2 томнуг «Тываның төөгүзү» /«История Тувы» (1964),
  2. В.И. Дулов «Социально-экономическая история Тувы»,
  3. А.А. Пальмбах, Ф.Г. Исхаков «Грамматика тувинского языка»,
  4. Д.А. Монгуш «Формы прошедшего времени изъявительного наклонения в тувинском языке»,
  5. А.А. Пальмбах, З.Б. Арагачи (Чадамба) «Основы тувинской орфографии»,
  6. Б.И. Татаринцев «Русские лексические заимствования в современном тувинском языке», «Монгольское языковое влияние на тувинскую лексику»;
  7. А.Д. Грач «Древнетюркские изваяния Тувы», «Древние кочевники в центре Азии»;
  8. Л.Р. Кызласов «Древняя Тува», «Тува в средние века»;
  9. С.И. Вайнштейн «Тувинцы-тоджинцы», «Историческая этнография тувинцев», «Мир кочевников центра Азии»,
  10. Л.П. Потапов «Очерки народного быта тувинцев»,
  11. Н.А. Сердобов «История формирования тувинской нации»,
  12. Ю.Л. Аранчын «Исторический путь тувинского народа к социализму»,
  13. В.П. Дьяконова «Погребальный обряд тувинцев»;
  14. А.К. Калзанның удуртулгазы-биле белеткээн «Очерки истории тувинской литературы» (1953, 1964, 1975); «Тувинско-русский словарь» (1968), «Русско-тувинский словарь общественно политических терминов» (1966), «Русско-тувинский словарь» (1980);
  15. М.П. Грязнов «Аржаан»,
  16. М.Х. Маннай-оол «Тува в скифское время», «Тува в эпоху феодализма»;
  17. Л.В. Гребнев «Тувинский героический эпос»,
  18. М.А. Хадаханэ «Становление тувинской прозы»,
  19. Д.С. Куулар «Развитие тувинской поэзии»,
  20. М.А. Дэвлет «Петроглифы Мугур-Саргола»,
  21. «Петроглифы Улуг-Хема»;
  22. К.А. Бичелдей «Фарингализация в тувинском языке», «Звуковой строй диалектов тувинского языка»,
  23. М.П. Татаринцева «Развитие литературно-критической мысли в Туве»,
  24. З.Б. Самдан «От фольклора к литературе»;
  25. «Тувинские народные сказки» (З.Б. Самдан тургускан),
  26. «Тувинские героические сказания» (С.М. Орус-оол тургускан),
  27. «Мифы и предания тувинцев» (А.Н. Алексеев, З.Б. Самдан, Д.С.Куулар, Ж.М. Юша тургускан).

Институттуң 2000 чылдан бээр үнген улуг шинчилелдери:

  1. 3 томнуг «История Тувы» (2001, 2007, 2016 гг.);
  2. «Толковый словарь тувинского языка» (2 томнуг, редактору - Д.А. Монгуш);
  3. Б.И. Татаринцев «Этимологического словаря тувинского языка» (4 томнуг);
  4. «История тувинской литературы» (I том, удуртукчузу Л.С. Мижит).

Янзы-бүрү чылдарда үнген номнар:

  1. «Күлтегин» (эге сөзү: Ю.Л. Аранчын, З.Б. Самдан);
  2. М.В. Монгуш «История буддизма в Туве», «Тувинцы Монголии и Китая»,
  3. З.Б. Самдан «Лики тувинской словесности»,
  4. З.В. Анайбан «Женщины Тувы и Хакассии в период российских реформ»,
  5. Н.М. Моллеров «История советско-тувинских отношений»,
  6. М. Х. Маннай-оол «Тувинцы: Происхождение и формирование этноса»,
  7. Т.Б. Будегечи «Художественное наследие тувинцев»,
  8. З.К. Кыргыс «Песенная культура тувинского народа»,
  9. М.П. Татаринцева «Старообрядцы в Туве», «Русские писатели в Туве»;
  10. В.Ю. Сузукей «Тувинские традиционные музыкальные инструменты», «Музыкальная культура Тувы в XX столетии»,
  11. А.К. Кужугет «Духовная культура тувинцев: структура и трансформация»,
  12. У.А. Донгак «Тувинское стихосложение»,
  13. Л.С. Мижит ««Тувинское трехстишие. Триада в тувинской традиционной культуре»,
  14. А.С. Донгак «Индо-тибето-монгольская «обрамленная повесть» в тувинской сказочной традиции»
  15. болгаш өске-даа.

Институттуң Эртем библиотеказында 100000 ажыг ном-дептер чыгдынган. Оларның санынче эң-не ховар дээн 400 хире ном, 1930 чылдардан бээр парлаттынган 30000 экземпляр солун-сетүүл кирип турар. Эртем архивинде ТАР үезиниң эрги бижиктери, судурлар, номнар, дептерлер, сеткүүлдер, солуннар, карталар болгаш чуруктар; этнографтыг материалдар, оларның аразында хамнарның болгаш сарыг шажынның дериг-херекселдери кадагалаттынган.

Институттуң амгы үези[эдер | вики-сөзүглелди эдер]

Амгы үеде институт Тывада гуманитарлыг эртемнерниң кол төвү болуп турар.

Институтта 15 килдис ажылдап турар:

  1. Төөгү килдизи
  2. Археология килдизи
  3. Дыл килдизи
  4. Аас чогаал килдизи
  5. Чечен чогаал килдизи
  6. Культура килдизи
  7. Моол шинчилелдер килдизи
  8. Этнография килдизи
  9. Социология килдизи
  10. Политология килдизи
  11. Экономика килдизи
  12. Саң-хөө килдизи
  13. Эртем библиотеказы
  14. Эртем архиви
  15. Эртем харылзааларының болгаш маркетинг килдизи.

Айтыглар[эдер | вики-сөзүглелди эдер]

  1. Аранчын Ю.Л. Институт за четверть века // Ученые записки. Вып.5.- Кызыл: Тувинское книжное издательство, 1957.- С.22-31.
  2. Сейфулин Х.М. Тувинский научно-исследовательский институт языка, литературы и истории //Ученые записки. Вып.15.- Кызыл: Тувинское книжное издательство, 1971.- С.226-229.
  3. Толгар-оол О.А. К 25-летию ТНИИЯЛИ //Ученые записки. Вып. 14.- Кызыл: Тувинское книжное издательство, 1970.- С.250-259.
  4. ТНИИЯЛИ-ТИГИ. От прошлого к настоящему /Сост. А.К. Кужугет. - Красноярск: «Платина», 2004.- 16 с.
  5. Харунова М.М.-Б., Монгуш Е.Д. От Ученого комитета к Тувинскому институту гуманитарных исследований: основные вехи развития // История науки и техники, №8, 2015 г.
Дөзү – «https://tyv.wikipedia.org/w/index.php?title=Тываның_гуманитарлыг_болгаш_тускай_социал-экономиктиг_шинчилелдер_институду_(ТГТШИ)&oldid=21090»