Четин, Сервет

Сервет Четин
Төрүттүнген	1981 марттың 17(1981-03-17) (43 хар) Тузлуджа[d], Ыгдыр[d], Турция
Хамаатылалы	Турция
Узуну	191 см
Позиция	защитник
Клуб	Сивасспор
Должность	тренер
Карьера
Клубка карьера*
1998—2001	Карталспор	54 (1)
2001—2002	Гёзтепе	32 (1)
2002—2003	Денизлиспор	44 (2)
2003—2006	Фенербахче	57 (4)
2006—2007	Сивасспор	32 (2)
2007—2012	Галатасарай	117 (10)
2012—2014	Эскишехирспор	39 (3)
2014—2016	Мерсин Идманюрду	47 (4)
Чыынды команда**
2002—2003	Турция (до 21)	17 (0)
2003—2011	Турция	58 (3)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар. ** Националдыг чыынды-биле официалдыг матчтарга оюннары болгаш голдары.
Кубки конфедераций Хүлер Франция 2003 Европа чемпионады Хүлер Австрия/Швейцария 2008

Серве́т Чети́н (тур. Servet Çetin; азерб. Sərvət Çətin; 17 март 1981, Тузлуджа, Ыгдыра чаны) — азербайджан уктуг турк футболчу, төп камгалакчы. 2019 чылдың июльдан тура «Сивасспор» деп клубтуң тренери. Улуг мага-боттуг болганы-биле ону "Ayıboğan" деп шолалыг турган, тывалап очулдурар болза, "адыг боосталаан" дээн. iPod-унда хөй турк улустуң ырылары бар болганы-биле ону "турк баба" деп шолалап-даа турган.

Карьеразы

Клуб

Бир дугаар 1998 чылда ойнап эгелээн клуву Стамбул хоорайның «Карталспор», Турцияда шоолуг эвес клубтарның бирээзи деп санаттынып турар. Эгезинде ол аңаа анаа ашка албас футболчу кылдыр ойнап турган. Оон 1999/2000 сезонда харын ооң-биле профессионал ойнакчы кылдыр керээ чарып алганнар. Аңаа үш чыл 54 маргылдаага ойнап келгенде, ону өске клубтарның тренерлири эскерип, шору алдарлыг, ашкалыг клубтарже чалап эгелээн. Эки камгалакчы деп оюунун ол «Гёзтепе» (2001/02) база «Денизлиспор» (2002/03) дээш бадыткаан.

2003 чылда Четин «Фенербахче» дээш ойнап эгелээн. Аңаа бир чыл болганда Турцияның чемпионадын удуп алган болгаш Чемпионнар Лигазынга бир дугаар ойнаан, ынчалза-даа командага база быжыг туттунуп шыдаваан, ынчан ол 2006/07 сезонну «Сивасспорга» ойнаан, аңаа ол камгалакчы турушка эки оюнун көргүскен, ынчан ол «Галатасарайның» кичээнгейин хаара туткан. Ол үеден эгелээш «Галатасарайның» удуртулгазы ону бодунуң клувунга төп камгалакчы кылдыр садып алыры-биле чугааны кылып эгелээн турган.

2007/08 сезонда Сервет «Галатасарай» дээш 450 муң еврога шилчээн, аңаа баштайгы оюннарда шоолуг эвес-даа болган болза, дораан эки оюнун көргузүп, аарыкчыларның ынак ойнакчызы апарган.

Ойнакчы карьеразы доозулган соонда кол тренер, Рыза Чалымбайның, дузалакчызы кылдыр «Антальяспор» база «Трабзонспор» клубтарга ажылдаан. 2018 чылдан «Коньяспор» клубтуң, а 2019 чылдың июльдан тура «Сивасспор» деп клубтуң тренери.

Чыынды команда

Турцияның аныяктарының чыынды командазынга 17 маргылдаа эрткен соонда улуг чыынды командаче шилчээн. Францияга болган Конфедерация кубогу-2003 маргылдаага ийи катап ойнаан. Турцияның чыынды командазынга Сервет 2006 чылда кирген. 2006 чылда-ла Европаның чемпионадынче шилилге оюннарынга 11 оюнга киришкеш, бир гол киир тепкен. Евро-2008 маргылдааның даңзызынче кирген Турцияның кол ойнакчызы Четин аңаа 3 оюнга ойнаан. Түңнелинде командазы хүлер шаңнал четкен.

Чедиишкиннери

«Фенербахче»

• Турцияның чемпиону (2): 2003/04, 2004/05

«Галатасарай»

• Турцияның чемпиону (2): 2007/08, 2011/12
• Турцияның Суперкубогунуң эдилекчизи (1): 2008

Турцияның чыынды командазы

• Конфедерация кубогунуң 2003 чылда хүлер шаңналының эдилекчизи.
• Евро-2008 маргылдааның хүлер шаңналының эдилекчизи.

Шөлүглер

• Профиль на официальном сайте «Галатасарая»