Шалабаева, Гульмира Кенжеболат кызы

Википедия деп сайттан

Гульмира Кенжеболат кызы Шалабаева

Төрүттүнген хүнү: 1956 августтуң 31(1956-08-31) (67 хар)
Төрүттүнген чери:
Ажыл чери:
Альма-матер:
Эртем деңнели: доктор философских наук[d]

Гульмира Кенжеболат кызы Шалабаева (каз. Гүлмира Кенжеболатқызы Шалабаева; 1956 чылдың август 31-де төрүттүнген) – философия эртемнериниң доктору (1997), профессор. Казахстан Республиказының алдарлыг ажылдакчызы. Ч. Валиханов аттыг Күрүне шаңналының лауреады (2001).

Намдары[эдер | вики-сөзүглелди эдер]

Гульмира Кенжеболат кызы Шалабаева 1956 чылдың август 31-де Алматы хоорайга төрүттүнген.

1978 чылда Киров аттыг Казах күрүне университединиң филология факультедин «журналистика» мергежилинге дооскан.

1986 чылда Казахстанның Национал Эртемнер Академиязының чанында Чогаал болгаш уран чүүл институдунуң аспирантуразын дооскан.

1997 чылда «Казах чоннуң сагыш-сеткил культуразы болгаш национал бот-медерелиниң хевирлеттинериниң берге айтырыглары» деп темага философия эртемнериниң докторунуң эртем чадазын алыры-биле киирген диссертациязын камгалап алган.

1999 чылдан эгелеп – Казахстан Республиказының Социал эртемнер академиязының корреспондент кежигүнү.

1978–1983 чылдарда – Казах ССР-ниң кинематогравының улуг редактору.

1986–1991 чылдарда – Педагогика эртемнериниң эртем-шинчилел институдунуң улуг эртем ажылдакчызы.

1993–1997 чылдарда – Абай аттыг Алматының күрүне университединиң улуг башкызы.

1997 чылдан эгелеп – Казахстан Республиказының Эртем болгаш өөредилге яамызының Философия болгаш политология институдунуң башкарыкчы эртем ажылдакчызы, Казахстанның Эртемнер Академиязының Философия институдунуң кол эртем ажылдакчызы.

1998–2014 чылдарда – «ОЮ» деп уран чүүл галереязының директору.

2014 чылдың ноябрь айдан амга дээр – А. Кастеев аттыг Казахстанның күрүне уран чүүл музейиниң директору[1][2].

Шаңналдары[эдер | вики-сөзүглелди эдер]

  • Казахстан Республиказының Президентизиниң чарлыы ёзугаар «Казахстан Республиказының алдарлыг ажылдакчызы» деп хүндүлүг ат-биле шаңнаткан
  • «Культура дугайында билиишкин» деп монографиязы дээш ниитилел-гуманитарлыг эртемнер талазы-биле Ч. Валиханов аттыг Күрүне шаңналының лауреады
  • Казахстан Республиказының Профэвилелдер федерациязының «Хүндүткел демдээ» деп медаль
  • Казахстан Республиказының Президентизиниң өөрүп четтириишкин бижии

Демдеглелдер[эдер | вики-сөзүглелди эдер]

Айтыглар[эдер | вики-сөзүглелди эдер]