Шанлы, Тунджай

Тунджай Шанлы
Тунджай Шанлы
Төрүттүнген	1982 январьның 16 (42 хар); Адапазары[d], Турция;
Хамаатылалы	Турция;
Позиция	чартык-камгалакчы, халдакчы
Клуб	карьеразын дооскан
	Карьера
	Клубка карьера*
	Чыынды команда**
	* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар.; ** Националдыг чыынды-биле официалдыг матчтарга оюннары болгаш голдары.
	Конфедерациялар Кубогу
Хүлер	Франция 2003
	Европа чемпионады
Хүлер	Австрия/Швейцария 2008

Тунджай Шанлы (орус. Тунджа́й Шанлы, тур. Tuncay Şanlı; 1982 чылдың январь 16, Сакарья, Турция) — турк футболчу, халдакчы^[2]. Турцияның чыынды командазының составынга 2003 чылдың Конфедерация Кубоктарынга база 2008 чылдың Европа чемпионадынга киришкен.

Клубтарга карьеразы

Турцияда

Футболчу карьеразын Тунджай Шанлы 2000 чылда «Сакарьяспор» клубка эгелээн, аңаа 66 оюнда 32 бөмбүк киир тепкен.

Ол клубтуң составынга 2002 чылга чедир ойнааш, Шанлы Турцияның Стамбул хоорайдан «Фенербахче» клубка колдуу төп халдакчы кылдыр ойнап эгелээн. Клуб дээш 154 оюн ойнааш, 59 бөмбүк киир тепкен. «Фенербахчениң» составынга Турцияның үш дакпыр чемпиону болган. Тунджай Чемпионнар Лигазынга бир дугаар үш дакпыр бөмбүк киир тепкен турк футболчу болуп турар, ынчан оларның удурланыкчызы «Манчестер Юнайтед» турган^[3]. Чемпионнар Лигазынга 25 оюнга ойнааш, 12 бөмбүк киир тепкен. Турк клубка Тунджай «Дидим Чүрек» деп шола алган. «Фенербахчениң» составынга карьеразының эң түңнелдиг оюннарын көргүскен. «Фенербахчениң» аарыкчыларының чүрээн чаалап алган, ынак футболчуларының бирээзи. Англияже чоруп турда «Фенербахче» клубтуң аарыкчылары дыка-ла мүңгарап ооң-биле чарлып турганнар. Чүгле аарыкчылар эвес команданың өске ойнакчылары, удуртулгазы база улуг чидириглиг болганын демдеглээннер.

Англияда

2007 чылда Тунджай Англияда «Мидлсбро» деп клуб дээш ойнай берген^[4]. Аңаа ол 70 оюн ойнааш, 17 бөмбүк киир тепкен. Англияның клувунче «Фенербахче» клубту хаггаш чорупканын ол Чемпионнар Лигазынга ам бир катап ойнап, тиилелгеге чедер күзелиниң күжү-биле болганын тайылбырлаан. «Мидлсбро» клубка эки ойнап турган. «Фенербахче» клубка турганы дег аарыкчыларның ынакшылын ол чедип ап шыдаан. Ынчалза-даа ооң күзелдери бүтпээн.

2009 чылдың август 28-те Тунджай Англияның «Сток Сити» деп клуву-биле керээ чарып алган. «Мидлсбро» ол дээш 5 сая фунт стерлинг алган^[5]. Аңаа 44 оюнга 5 бөмбүк киир тепкен. Англияга ойнап келген чылдарында база эки түңнелдерни көргузүп чораан. 2009-2011 сезоннарда «Сток Сити» клуб дээш ойнап турар үезинде түңнелдери кошкаап эгелээнин демдеглеп болур. Команданың кол составынга кирер аргазы чок болганы-биле өске клубче шилчир деп шиитпирлээн.

Германияда

2011 чылдың январь 31-де Шанлы немец «Вольфсбург» деп клуб дээш ойнай берген. Садыгланыышкынның түңү 5 ажыг сая евро болган^[6]. Аңаа 4 оюнга ойнааш, түңнел көргүзүп шыдаваан. Ынчангаш ону 2011 чылдың август 12-де англи «Болтон Уондерерс» деп клубка бир чыл ишти хөлезиледипкен^[7]. Аңаа баргаш 16 оюнга база-ла түңнел чок болган.

Катап Турцияда

2012 чылдан 2014 чылдарның сезоннарында ол турк «Бурсаспор» деп клубка ойнап турган. Ийи сезон ойнап келгеш, 39 оюнга 1 бөмбүк киир тепкен.

Катарда

Ооң соонда Катарның «Ум-Салаль» деп клубка түңнелдиг бир чыл ишти ойнаан. Бир чыл иштинде 25 оюнга 10 бөмбүк киир тепкен. Катарның футбол аарыкчылары аңаа база хандыкшып четтигипкен.

Индияда

Клубтарга карьеразының сөөлгү чылын Индияның «Пуна Сити» деп клувунга ойнап дооскан^[8]. Аңаа 2015 чылда 11 оюн ойнааш, 3 катап бөмбүк киир тепкен. 2015 чылда карьеразын доозарының дугайында аарыкчыларынга дыңнаткан.

Турцияның чыынды командазы

Турцияның чыынды командазы дээш Тунджай 2002 чылдан тура үнүп турар. Чыынды команданың составынга 2003 чылдың Конфедерация Кубогунга база 2008 чылдың Европа чемпионадынга киришкеш, ол маргылдааларга ийи катап хүлер шаңналдарга төлептиг болган.

2010 чылда делегей чемпионадынга киржжири-биле шилилге оюннарга Шанлы Тунджай база идепкейлиг киришкен, ынчалза-даа командазы түңнел оюннарже эртпейн барган. Ооң соонда ол Турцияның чыынды командазы дээш карьеразын дооскан.

Ниитизи-биле Турция дээш 79 оюнга 22 катап бөмбүк киир тепкен, Турцияның чыынды командаларының составында эң үре түңнелдиг ойнакчыларның бирээзи.

Чедиишкиннери

Турцияның чемпиону (3): 2003/04, 2004/05, 2006/07
2008 чылда Европаның хүлер шаңналының эдилекчизи
Конфедерация Кубоктарын эң хөй бөмбүк киир тепкен Турцияның тергиин ойнакчызы: 3 бөмбүк^[9]

Оюннарының статистиказы

Клуб	Сезон	Чемпионат		Кубоктар		Еврокубоктар		Ниитизи-биле
Клуб	Сезон	Оюннар	Бөмбүктер	Оюннар	Бөмбүктер	Оюннар	Бөмбүктер	Оюннар	Бөмбүктер
Сакарьяспор	2000/01	31	16	-	-	-	-	31	16
	2001/02	35	16	2	1	-	-	37	17
	Шупту	66	32	2	1	—	—	68	33
Фенербахче	2002/03	29	9	1	0	1	1	31	10
	2003/04	31	19	4	3	-	-	35	22
	2004/05	31	7	5	1	8	5	44	13
	2005/06	30	15	8	1	5	0	43	16
	2006/07	33	9	6	1	12	6	51	16
	Шупту	154	59	24	6	26	12	204	77
Мидлсбро	2007/08	34	8	4	0	-	-	38	8
	2008/09	33	7	4	1	-	-	37	8
	2009/10	3	2	-	-	-	-	3	2
	Шупту	70	17	8	1	—	—	78	18
Сток Сити	2009/10	21	4	7	1	-	-	28	5
Сток Сити	Шупту	21	4	7	1	—	—	28	5
Ниитизи-биле		311	112	41	9	26	12	378	133

Демдеглелдер

↑ Transfermarkt.com (х.) — 2000.
↑ Шанлы Тунджай Sports.ru-да
↑ Манчестер Юнайтедке удур Шанлы Тунджай үш дакпыр бөмбүк киир тепкен
↑ Шанли Мидлсброже шилчээн (чедимчок шөлүг — төөгү). Хынаан 16 Сес айның 2009. Архивтээн 2016 Үш айның 4.
↑ Turkey skipper Tuncay joins potters in £5m deal (чедимчок шөлүг — төөгү). Хынаан 28 Сес айның 2009. Архивтээн 2009 Сес айның 30.
↑ Tuncay Completes Wolfsburg Move (чедимчок шөлүг — төөгү). Хынаан 31 Бир айның 2011. Архивтээн 2011 Тос айның 27.
↑ https://www.sports.ru/football/115691977.html
↑ Индияның клубтары дээш ойнап чорупкан алдарлыг футболчулар
↑ Шанлы Тунджай Readfootball.com-да

Шөлүглер

[_c447bdbfdbbb6aa6-1] Transfermarkt.com (х.) — 2000.

[2] Шанлы Тунджай Sports.ru-да

[3] Манчестер Юнайтедке удур Шанлы Тунджай үш дакпыр бөмбүк киир тепкен

[4] Шанли Мидлсброже шилчээн (чедимчок шөлүг — төөгү). Хынаан 16 Сес айның 2009. Архивтээн 2016 Үш айның 4.

[5] Turkey skipper Tuncay joins potters in £5m deal (чедимчок шөлүг — төөгү). Хынаан 28 Сес айның 2009. Архивтээн 2009 Сес айның 30.

[6] Tuncay Completes Wolfsburg Move (чедимчок шөлүг — төөгү). Хынаан 31 Бир айның 2011. Архивтээн 2011 Тос айның 27.

[7] ttps://www.sports.ru/football/115691977.html

[8] Индияның клубтары дээш ойнап чорупкан алдарлыг футболчулар

[9] Шанлы Тунджай Readfootball.com-да

[1]

[2]

[3]

[4]

[5]

[6]

[7]

[8]

[9]