Эрдинч, Мевлүт

Википедия деп сайттан
Футбол
Мевлүт Эрдинч
Төрүттүнген 1987 февральдың 25(1987-02-25)[1][2] (37 хар)
Хамаатылалы
Позиция халдакчы
Клуб Турция Фенербахче
Дугаары 9
Карьера
Аныяктар клубтары
1996—1999 Франция Сен-Клод  
1999—2000 Франция Юра Сюд  
2000—2005 Франция Сошо  
Клубка карьера*
2005—2009 Франция Сошо 79 (24)
2009—2012 Франция Пари Сен-Жермен 76 (24)
2012—2013 Франция Ренн 48 (15)
2013—2015 Франция Сент-Этьен 53 (19)
2015—2017 Германия Ганновер 96 11 (0)
2016  Франция Генгам 15 (4)
2016—2017  Франция Мец 24 (6)
2017—2019 Турция Истанбул Башакшехир 16 (4)
2018—2019  Турция Антальяспор 24 (12)
2019—а. ү. Турция Фенербахче 0 (0)
Чыынды команда**
2004—2005 Франция Франция (17 хар чедир) 8 (3)
2005—2006 Турция Турция (19 хар чедир) 12 (4)
2007 Турция Турция (21 хар чедир) 5 (2)
2008—2016 Турция Турция 35 (8)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар, 31.8.2019 ай-хүннүң байдалынга дүүштүр эткен.
** Националдыг чыынды-биле официалдыг матчтарга оюннары болгаш голдары, 31.8.2019 ай-хүннүң байдалынга дүүштүр эткен.
Чемпионаты Европы
Хүлер Австрия/Швейцария 2008

Мевлүт Эрдинч (орус. Мевлю́т Эрди́нч, тур. Mevlüt Erdinç; 1987 чылдың февраль 25, Сент-Клод, Франция) — француз база турк футболчу, турк «Фенербахче» клубтуң база Турцияның национал чыынды командазының ойнакчызы. Эрдинч колдуу халдакчы кылдыр ойнап чоруур, ынчалза-даа кезек-кезек болгаш халдакчы кыдыкы чартык-камгалакчы кылдыр база ойнап болур. Ооң мурнунда Эрдинч «Сошо», «Пари Сен-Жермен», «Ренн», «Сент-Этьен», «Генгам» база «Мец» деп француз клубтар дээш, база ол ышкаш немец «Ганновер 96» деп клуб дээш ойнап чораан. Турцияның чыынды командазы-биле ол 2008 чылда Европа чемпионадынга чартык-үжүүрге чедир ойнаан.

Клубтарга карьеразы[эдер | вики-сөзүглелди эдер]

Францияда[эдер | вики-сөзүглелди эдер]

Эрдинч француз Сент-Клод (департамент Юра) деп хоорайга көжүп келген турк өг-бүлеге төрүттүнген. Ооң өг-бүлези 1973 чылда Францияга турк Йозгат провинцииядан[3] көжүп келген. Эрдинч «Сент-Клод» деп чурттап турар черинде бир клубка ойнап эгелээн. 13 харлыында «Сошо» деп клубтуң аныяк командазынче кире берген[4]. Эгезинде клубтуң аныяк составынга болгаш ооң соонда курлавыр составынга ойнап тургаш, Эрдинч «Сошо» клубтуң кол составынга бир дугаар 2005 чылдың ноябрь 19-та Францияның чемпионадынга «Аяччо» деп клубка удур үнген. Оюн төнүп турар үеде бир солчуп үнүп келгеш, тиилелгениң бөмбүүн киир теп каан[5]. Ооң соонда Эрдинч клувунуң кол составынга ызыртынып чадап шаг болган, ылаңгыя команданы Ален Перрен биле Фредерик Ханц белеткеп турар үеде кончуг берге байдалга турган. 2007 чылдың декабрьда «Сошонуң» тренери кылдыр Франсис Жийону кылып каанда ооң байдалы дораан эки талазынче өскерилген. Ол дораан командазының кол халдакчызы апарган. Сезон төнчүзүнге чедир турк халдакчы 11 бөмбүк киир тепкен. Жийонуң чугаазы-биле Лига1-де черин клуб 2007/2008 сезонда Эрдинчтиң ачызы-биле кадагалап арттырып алган. Дараазында сезонда Францияның чеммпионадынга Эрдинч катап база 11 бөмбүк киир тепкен.

2009 чылдың июнь 30-де Эрдинч Парижтиң кол клуву «Пари Сен-Жермен» деп клубче шилчээн. Олар-биле 4 чылдыг керээ чарып алган. Парижтиң ол клуву шагда-ла Эрдинчти сонуургап турган, ынчалза-даа үр үеде «Сошо» клубтуң адаан ашказын хандырып шыдавайн турган, соонда барып 9 сая евро кылдыр дугурушканнар[6]. Футболчуга Францияның «Бордо» база «Лион» деп клубтары, база Англияның «Фулхэм», «Астон Вилла» база «Уиган Атлетик» деп клубтары сонуургалдыг турган[7]. ПСЖ-ге Эрдинч эки оюнун дораан көргүзүп эгелээн, бир дугаар сезонда-ла командазының кол халдакчызы апарып, 15 бөмбүк киир тепкеш, Францияның чемпионадынга командазының тергиин халдакчызы апарган, а француз лиганың шупту командаларының аразында үш дугаар болган. Командазынга чурттуң Национал кубогун чалап аарынга улуг дузалыг болган. Дараазында сезонда ындыг улуг чедиишкин чок болган, Францияның чемпионадынга чүгле 8 бөмбүк киир тепкен. 2011 чылдың майда «Пари Сен-Жермен» клубту Катарның инвестициялыг бөлүү садып алганда, ПСЖ кайыын-даа кандыг-даа ойнакчыны садып ап болур аргалыг апарган, ынчан Эрдинчтиң клубка келир үези ондактыг апрган. «Пари Сен-Жермен» клубка кезек клубтардан Эрденчти садыптарын дилеп чугаа ээреп келген, ынчалза-даа август төнчүзүнде клубтуң удуртулгазы сатпас бис деп харыы бергеш, турк халдакчыны командазынга арттырып алганнар[8].

Ынчалза-даа дараазында чартык чыл иштинде Эрдинч клувунуң кол составында черин Кевин Гамейрога алзыпкаш, курлавырга олурган. 2012 чылдың кыжын турк халдакчы «Ренн» клубче 8 сая евро өртектиг шилчээн[9]. Футболчуну Англиядан «Ньюкасл Юнайтед» 7 сая фунт бергеш, алыр күзелин база илередип турган[10]. «Ренн-биле» керээзин үш чыл чартык чылга чарып алган[11]. Ынчалза-даа ол клуб дээш Эрдинч чүгле бир чыл чартык ойнаан. 2012/2013 сезонда Францияның чемпионадында 10 бөмбүк киир тепкен соонда элээн үр бөмбүк киир тепкээн оюннары уламчылаан. Ниитизи-биле «Ренн» дээш ол 55 оюн ойнааш, 18 бөмбүк киир тепкен[12].

2013 чылдың сентябрь 1-де Эрдинч «Сент-Этьен» деп клубче 4 сая евро өртектиг шилчээн[13]. Бир дугаар чылында ол клубка келгеш, Эрдинч Францияның чемпионадынга 11 бөмбүк киир тепкен. Ынчан ол «Сент-Этьен» клубтуң эң тергиин халдакчызы апарган. Дараазында сезонда ооң түңнели бада берген — 8 бөмбүк.

Германияда[эдер | вики-сөзүглелди эдер]

2015 чылдың июль 17-де Эрдинч Франциядан чорупкаш, немец «Ганновер 96» деп клубче шилчээн. Ооң-биле 2018 чылга чедир керээ чарып алган. Шилчээниниң өртээ 3,5 сая евро болган[14]. 2015/2016 сезоннуң бирги чартыында Эрдинч «Ганновер 96» дээш 11 оюн ойнааш, чаңгыс-даа бөмбүк киир теп чадашкан. 2016 чылдың январь 7-де ону француз «Генгам» деп клубка сезон төнчүзүнге чедир хөлезиледипкен[15].

2016 чылдың июньда Эрдинч француз «Мец» деп клубче бир чыл иштинде хөлезиледипкен. «Мец» биле «Ганноверниң» керээзинде футболчуну улаштыр садып ап болур аргазын база киирген турган[16]. Эрдинч «Мецке» сезонну эки эгелээн: Францияның чемпионадының баштайгы 7 оюнунда ол 6 бөмбүк киир тепкен, ынчалза-даа сезон төнчүзүнге чедир оон чаңгыс-даа киир теп шыдаваан, ынчангаш кол составда черин чидирип алган.

Турцияда[эдер | вики-сөзүглелди эдер]

2017 чылдың июль 14-те Эрдинч турк «Истанбул Башакшехир» деп клуб-биле үш чылдыг керээ чарып алган[17]. Ол клуб дээш 16 оюнга 4 бөмбүк киир тепкен.

2018 чылда «Антальяспорга» ону хөлезиледипкен. Аңаа баргаш, 24 оюнга 12 бөмбүк киир тепкен.

Дараазында чылын ону «Фенербахче» садып алган. Ынчап кээрге, 2019 чылдан тура ол Турцияның эң шыырак командаларының бирээзи Стамбулдуң «Фенербахче» клувунда ойнап чоруур.

Турцияның чыынды командазы дээш[эдер | вики-сөзүглелди эдер]

Францияга төрүттүнген-даа болза, турк уктуг Мевлүт Эрдинч кайы-даа чуртуң адындан делегей чергелиг маргылдааларга киржирин шилип ап болур турган. 2004 чылда ол 17 хар чедир аныяктар аразынга Франция дээш ойнап эгелээн. 2005 чылда Турцияның чыынды командазы дээш ойнаар деп шиитпирлеп алган. Эгезинде ол Турцияның 19 харга чедир аныяк чыынды командазынга 2006 чылда Европаның чемпионадынга ойнап эгелээн, а 2007 чылда аныяк чыынды командазы дээш 5 оюн ойнаан.

Турцияның кол чыынды командазы дээш Эрдинч бир дугаар 2008 чылдың март 26-да Белоруссияның чыынды командазы-биле найырал оюнунга ойнаан. Ол-ла чылдың майда Фатих Терим тренер ону 2008 чылдың Европа чемпионадынга киржир турк чыынды команданың составынче киирип каан[18]. Эрдинч команданың бир дугаар оюнунда-ла баштайгы составда үнүп келгеш, чапсар үезинде солуттунган. Дараазында чартык-үжүүрде Германияның чыынды командазынга удур оюн төнүп турда солчуп үнүп келгеш, бичии ойнаан.

2016 чылдың майда Терим Эрдинчти Англияның болгаш Черногорияның чыынды командаларынга удур Европа чемпионадының бердинде эртип турган найырал оюннарынче чалаан, ынчалза-даа Европа чемпионадынга ойнаар составынче Мевлүт кирбейн барган[19].

Чедиишкиннери[эдер | вики-сөзүглелди эдер]

  • Францияның Кубогунуң эдилекчизи (2): 2007, 2010
  • Француз лиганың кубогунуң үжүүрүнде: 2012/13
  • 2008 чылдың Европа чемпионадының чартык-үжүүрү

Статистиказы[эдер | вики-сөзүглелди эдер]

2016 чылдың октябрь 16-да турганы-биле

Клуб Сезон Национал чемпионат Национал кубоктар Еврокубоктар Ниитизи-биле
Лига Оюннар Бөмбүктер Оюннар Бөмбүктер Оюннар Бөмбүктер Оюннар Бөмбүктер
Франция Сошо 2005/2006 Лига 1 10 2 3 0 0 0 13 2
2006/2007 Лига 1 4 0 1 0 0 0 5 0
2007/2008 Лига 1 29 11 3 0 0 0 32 11
2008/2009 Лига 1 36 11 2 1 0 0 38 11
Ниитизи-биле «Сошо» дээш 79 24 9 1 0 0 88 25
Франция Пари Сен-Жермен 2009/2010 Лига 1 31 15 6 4 0 0 37 19
2010/2011 Лига 1 34 8 10 0 10 1 54 9
2011/2012 Лига 1 11 1 2 1 6 0 18 2
Ниитизи-биле «Пари Сен-Жермен» дээш 76 24 18 5 16 1 110 30
Франция Ренн 2011/2012 Лига 1 12 4 2 1 0 0 14 5
2012/2013 Лига 1 32 10 5 3 0 0 37 13
2013/2014 Лига 1 4 1 0 0 0 0 4 1
Ниитизи-биле «Ренн» дээш 48 15 7 4 0 0 55 19
Франция Сент-Этьен 2013/2014 Лига 1 27 11 2 1 0 0 29 12
2014/2015 Лига 1 26 8 6 1 4 0 36 9
Ниитизи-биле «Сент-Этьен» дээш 53 19 8 2 4 0 65 21
Германия Ганновер 96 2015/2016 Бундеслига 11 0 2 0 0 0 13 0
Франция Генгам 2015/2016 Лига 1 15 4 1 0 0 0 16 4
Франция Мец 2016/2017 Лига 1 8 6 0 0 0 0 8 6
Ниитизи-биле карьеразының иштинде 290 92 45 12 20 1 355 105

Демдеглелдер[эдер | вики-сөзүглелди эдер]

  1. FBref.com (х.)
  2. https://bdfa.com.ar/jugadores-61106.html (исп.)
  3. Çıtak, İsmail. Ve Mevlüt Erdinç konuştu (tr). Radikal (2013-06-24). Хынаан 4 Он бир айның 2015.
  4. ASSE : «Mevlut (Erding) n’oublie pas d’où il vient» (fr). Le Progrès (2014-04-23). Хынаан 4 Он бир айның 2015.
  5. AC Ajaccio - FC Sochaux-Montbéliard, Nov 19, 2005 - Ligue 1 - Match report (англ.). Transfermarkt (2005-11-19). Хынаан 4 Он бир айның 2015.
  6. Bairner, Robin. Les Parisiens have confirmed the signing of the Turkish international forward after a period of drawn on negotiations. (англ.). Goal.com (2009-06-30). Хынаан 4 Он бир айның 2015.
  7. PSG agree deal for Erdinc (англ.). Sky Sports (2009-06-28). Хынаан 4 Он бир айның 2015.
  8. PSG keeping Erdinc (англ.). ESPN (2011-08-29). Хынаан 4 Он бир айның 2015.
  9. Mira, Luis. Rennes reach agreement with Paris Saint-Germain over Mevlut Erding (англ.). Goal.com (2012-01-24). Хынаан 4 Он бир айның 2015.
  10. Hardy, Martin. Newcastle in for £7m Erding (англ.). Independent (2012-01-11). Хынаан 4 Он бир айның 2015.
  11. Erding makes Rennes switch (англ.). Ligue1.com (2012-01-25). Хынаан 4 Он бир айның 2015.
  12. Erding va signer à Saint-Étienne (fr). Stade Rennais Online (2013-09-01). Хынаан 4 Он бир айның 2015.
  13. Soccer-Erding to sign for St Etienne, Guilavogui to leave (англ.). Reuters (2013-09-01). Хынаан 4 Он бир айның 2015.
  14. Officiel : Erding quitte l’ASSE (fr). FootMercato (2015-07-17). Хынаан 4 Он бир айның 2015.
  15. Mevlüt Erdinç'in yeni adresi Guingamp! (tr). Goal.com (2016-01-07). Хынаан 19 Бир айның 2016.
  16. Jeangeorge, Thomas. Ligue 1 : Mevlüt Erding, le gros coup du mercato estival du FC Metz (fr). France Bleu Lorraine Nord (2016-06-28). Хынаан 13 Чеди айның 2016.
  17. Başakşehir Mevlüt Erdinç transferini resmen açıkladı (tr). Goal.com (2017-07-13). Хынаан 26 Чеди айның 2017.
  18. Turkey squad for Euro 2008 (англ.). The Guardian (2008-05-28). Хынаан 4 Он бир айның 2015.
  19. Fatih Terim Milli Takım EURO 2016 kadrosunu açıkladı! İşte olmayan 8 isim (tr). Hürriyet (2016-05-31). Хынаан 31 Беш айның 2016.

Шөлүглер[эдер | вики-сөзүглелди эдер]