Антон Үержаа

Википедия сайттан
Перейти к навигации Перейти к поиску
Антон Уержаа

Үержаа Антон (Күжүгет Антон Үержаа оглу) – Тываның комсомол шаңналының лауреады, Россияның чогаалчылар эвилелиниң кежигүнү, ховар дээн салым-чаяанныг шүлүкчү Антон Үержаа 1957 чылдың декабрь 2-де понедельник хүнүнде Барыын-Хемчик кожууннуң Хөнделең сумузунга малчын өг-бүлеге төрүттүнген.

Антон Үержаа
Төрүттүнген чылы:

1957 декабрьның 2(1957-12-02) (60 хар)

Төрээн чери:

Намдары[эдер | вики-сөзүглелди эдер]

Антон Үержаа 1975 чылда Аксы-Барлык ортумак школазын дооскаш, улаштыр шериг албанын эрттирген. Шериг албанындан халашкаш, Кызылда Күрүнениң башкы институдунуң дыл, литература факульдединче кирип алгаш, беш чыл эрткенде, ук дээди өөредилге черин чедиишкинниг дооскан.

Антон Үержаа институтту дооскаш, “Тываның аныяктары” солуннуң харыысаалгалыг секретарынга, комсомол обкомунуң килдис эргелекчизинге, Тываның но үндүрер чериниң редакторунга, кол редакторунга билдилиг, ак сеткилдиг ажылдап чораан.

Антон Үержаа өг-бүлелиг, кыстыг база оолдуг чораан.

Төрүмелинден салым-чаяанныг чогаалчы Антон Үержаа шүлүктерни, чечен чугааларны сески классчы тургаш-ла бижип эгелээн. Шүлүкчү дириг чорааш, “Хээлер”, “Саарыг ыры”, “Ногаан аът” деп шүлүк номнарын үндүрген. Ооң дөрткү ному “Ынак-тыр мен” шүлүкчүвүстүң чогаалдарының чыындызы кылдыр 1997 чылда чырыкче үнген. Ында шүлүктер, шүлүглелдер база чечен чугаалар парлаттынган.

Шаңналдары[эдер | вики-сөзүглелди эдер]

Тываның комсомол шаңналының лауреады.

Ак-Довурак хоорайның библиотеказы ооӊ ады-биле адаттынган.

Номнары[эдер | вики-сөзүглелди эдер]

  1. Хээлер: Шүлүктер. - Кызыл: ТывНҮЧ, 1984. - 64 ар.
  2. Саарыг ыры: Шүлүктер. - Кызыл: ТывНҮЧ, 1989.
  3. Ногаан аът: Шүлүктер, шүлүглер. - Кызыл: ТывНҮЧ, 1992. - 95 ар.
  4. Ынак - тыр мен: Шүлүктер, шүлүглелдер. - Кызыл: ТывНҮЧ, 1997. - 183 ар.

Дөзү[эдер | вики-сөзүглелди эдер]

  • Антон Үержааның “Ынак-тыр мен...” деп номундан.
  • Тыва республиканың чогаалчылары. - Кызыл.: "Новости Тувы", 2000. - С. 46
  • Тувинская литература: Словарь / С. С. Комбу; под. ред. Д. А. Монгуш, М. Л. Трифоновой . - Новосибирск: Наука, 2012. - С. 136-137