Борус (сын)

Борус — Россияның Красноярск крайының мурнуу чүгүнде Барыын Саян дагларында сын. Улуг-Хемниң эриинде Саяногорск хоорайның Черёмушки деп суур чоогунда турар. «Шушенский бор» деп национал парктың составынче кирип турар.

Черемушки деп суур талазындан Борустуң көстүрү

Сын дөрт баштыг: Биче Борус, Улуг Борус, Кошурниковтуң сүүрү, Мелегейлер сүүрү. Сының эң бедик чери 2318 м. Физиктиг карталарда Пойловтуң даа деп колдуу адаар. Сын кырында үш турлаг бар: Водопад («Рябиновый») — 1200 м, Пелехово — 1500 м (амгы үеде өртенип каан) база Банзай — 1400 м.

Колдуу ортумак дөнгелчек, дескиленчек черлерлиг. Эдээнде — арга-арыглыг, бажында — кезек пөштүг. Кышкы үеде сынның бажын хар дуглаптар. Хар чай төнчүзүнге чедир чыдар.

Хакас тоолчургу чугаалар-биле алырга, Борус деп аттыг кижи бүгү делегейни алган үер үезинде салга эжиндирип тургаш, 40 хонганда сынның кырынга доктааган. Дашталып калган сал олчаан Борус дааның кырында мынчага дээр чыдар. Борус сынның чанында Ымай-тас деп даг бар — Умай бурганның хүрээзи. Хакас тоолчургу чугаалар-биле алырга, ында Саян-Алтай түрктериниң ажы-төлүнүң сүнезинери бар.

Үндезини

• Хребет Борус: история, фото, как добраться (орус). Myputnik.com. Хынаан 10 Февраль 2021.
• Топонимичекский словарь Хакасско-Минусинского края. — Абакан: Лаборатория этнографии НИС ХГУ им. Катанова, Национальная библиотека имени Н. Г. Доможакова, 1995. — 5000 экз.