Гиззатов, Вячеслав Хамен оглу

Вячеслав Хамен оглу Гиззатов
Вячеслав Хамен оглу Гиззатов
	каз. Вячеслав Қаменұлы Ғиззатов
Төрүттүнген хүнү	1942 апрельдиң 9
Мөчээн хүнү	2021 сентябрьның 29 (79 хар)

Вячеслав Хамен оглу Гиззатов (каз. Вячеслав Қаменұлы Ғиззатов; 1942 чылдың апрель 9-та төрүттүнген) – Казахстанның күрүне ажылдакчызы, дипломат.

Намдары

Вячеслав Хамен оглу Гиззатов 1942 чылдың апрель 9-та Казах ССР-ниң Мурнуу-Казахстан облазының девискээринге төрүттүнген.

1964 чылда Саратовтуң юридиктиг институдунуң «юрист» мергежилин дооскан.

1967–1970 чылдарда ССРЭ-ниң Даштыкы херектер яамызының Дипломатияның дээди школазынга өөренип турган.

1970 чылдың август айдан эгелеп – ССРЭ-ниң Даштыкы херектер яамызының үшкү секретары.

1971 чылдан эгелеп – ССРЭ-ниң Кыдатта элчин чериниң ийиги секретары.

1974 чылдаң декабрь айдан эгелеп – ССРЭ-ниң Эртемнер академиязының Ыраккы Чөөн чүк институдунуң улуг эртем ажылдакчызы.

1978–1985 чылдарда – ССРЭ-ниң Финляндия болгаш Лаоста элчин черлеринге ажылдап турган.

1985 чылдан эгелеп – ССРЭ-ниң Даштыкы херектер яамызының бирги секретары, дараазында ооң чөвүлекчизи апарган.

1992 чылдан эгелеп – Казахстан Республиказының Даштыкы херектер яамызының сайыдының чөвүлекчизи, Казахстан Республиказының Даштыкы херектер яамызының Европа болгаш Америка чурттарының эргелелиниң даргазы.

1993 чылдың август айдан 1996 чылга чедир – Казахстан Республиказының Даштыкы херектер яамызының сайыдының оралакчызы.

1996 чылдың ноябрь айдан 2000 чылга чедир – Казахстан Республиказының Ислам Иран Республиказында Онза болгаш Бүрүн эргелиг Элчини.

2000 чылдың август айдан 2003 чылдың октябрь айга чедир – Казахстан Республиказының Федеративтиг Герман Республикада Онза болгаш Бүрүн эргелиг Элчини.

2004 чылдың январь айдан 2005 чылдың июль айга чедир – Казахстан Республиказының Туркменистанда Онза болгаш Бүрүн эргелиг Элчини.

2006 чылдың апрель айдан эгелеп – Казахстан Республиказының Даштыкы херектер яамызының күрүне кызыгаарын демаркастаар департаментизиниң даргазы.

2009 чылдың январь айдан эгелеп – Мусульманнарны ылгаар чорук-биле демисежир талазы-биле Европаның айыыл чок чорук болгаш кады ажылдажылгазының организациязының даргазының амы-хуу төлээлекчизи.

Шериг дужаалы – курлавыр полковниги.

Англи, орус, кыдат дылдарны билир.

Шаңналдары

«Күш-ажылчы шылгарал» дээш медаль^[1]
«Казахстан Республиказының тускайлаң чорук чарлаанының 25 чылы» деп медаль (2016)^[2]

Демдеглелдер

Айтыглар

Орус дыл кырында википедия чүүлүнден очулдурган.

[1] Указ Президента Республики Казахстан от 12 декабря 2002 года за № 998.

[2] В Министерстве иностранных дел Казахстана к 25-летию независимости наградили дипломатов и ветеранов дипломатической службы.

[1]

[2]