Доңгак, Уран Алдын-оол кызы

Википедия деп сайттан

Уран Алдын-оол кызы Доңгак

Төрүттүнген хүнү 1963 майның 22(1963-05-22) (60 хар)

Уран Алдын-ооловна Доңгак (Тыва АССР, Кызыл х., 1963, май 22 төр.)Тыва Республиканың гуманитарлыг шинчилелдер институдунуң (ТДЛТЭШИ) улуг эртем ажылдакчызы, чогаалчы. Литература шүгүмчүзү (шүгүмчүлекчизи, критиги). Филология эртемнериниң кандидады.

Намдары[эдер | вики-сөзүглелди эдер]

1963 чылдың май 22-де Тыва АССР-ниң төвү Кызыл хоорайга төрүттүнген. Кызылдың 2 дугаар ортумак школазын, күрүнениң башкы институдун дооскан. Дооскан школазынга орус дыл биле литература башкылаан, 1990 чылда Тываның дыл, литература болгаш төөгүнүң эртем-шинчилел институдунга литература секторунуң бичии эртем ажылдакчызы апарган. 2000 чылда тыва шүлүк чогаалының дугайында эртем адын камгалап алган.

Амгы үеде ТДЛТЭШИ-де улуг эртем ажылдакчызы.

Чогаадыкчы ажыл-агыйы[эдер | вики-сөзүглелди эдер]

Чогаал ажылын 1990 чылда эгелээн. С. Сарыг-оолдуң, С. Сүрүң-оолдуң, Ю. Күнзегештиң (Кюнзегештиң), М. Доржунуң, К. Черлиг-оолдуң, А. Даржайның чогаалдарының дугайында сайгарылгаларны, чүүлдерни "Улуг-Хем", "Башкы" сеткүүлдерге, "Шын", "Тываның аныяктары" солуннарга чырыткан. Таңгыт судурларны тыва дылче очулдурар талазы-биле "Ринчен-Самбо" деп очулга бөлүүнүң кежигүүнү.

1999 чылдан бээр Россияның Чогаалчылар эвилелиниң кежигүүнү.

"Национал ёзу-чаңчылда кадагалаарынга болгаш Россия чоннунуң чаңгыс эвин быжыглаарынга улуг үлүг-хуузу дээш" деп Россия чоннарының Ассамблеязының Диплому-биле шаңнаткан. [1]


Демдеглелдер[эдер | вики-сөзүглелди эдер]

  1. М.Б. Ховалыг «Тываның чогаалчылары / Писатели Тувы». Кызыл, 2001

Дөс[эдер | вики-сөзүглелди эдер]

  1. М.Б. Ховалыг «Тываның чогаалчылары / Писатели Тувы». Кызыл, 2001. Ном.