Коэн, Леонтина Тереза

Леонтина Тереза Коэн
англ. Lona Cohen
Төрүттүнген хүнү	1913 январьның 11(1913-01-11)
Мөчээн хүнү	1992 декабрьның 23(1992-12-23) (79 хар)
Чурт	Американың Катышкан Штаттары[d]  ССРЭ  Россия
Ашаа азы кадайы	Коэн, Моррис Генрихович[d]

Леонтина Тереза Коэн (Петке; разведчик шолазы — Хелен Крогер; 11января 1913 чылдың январь 11, Адамс, Массачусет штады, АКШ — 1992 чылдың декабрь 23, Москва) — Америка чуртуг совет разведчик-нелегал, Совет Эвилелинниң маадыры, 1996 чылда. (чок болганда тывыскан.).

Допчу-намдары.

1913 чылдың январь 11-де еврей өг-бүлеге төрүттүнген. Ада-иези Польшадан Америкаже көшкен болуп турар. Леонтина чалыы чылдарында профэвилелдиң идекпейлиг кежигүүнү чораан. Уруг Американың коммунистиг партиязының кежигүүнү база. Ашаа Моррис Коэн биле Нью-Йорка антифашистер митингизинге таныжып алган. 1940 чылда ашаанның соондан ССРЭ-ниң разведказынга элзеттирген. Ийи дугаар Делегей дайынында ССРЭ-ниң даштыкы разведказынга харыылза агентизи болуп ажылдап турган. Москванның даалгазы биле уш ай тургузунда Канададан уранның хевирлирен тып шыдапкан. 1945 чылдың августа Альбукер хоорайже көже берген. Ол хоорайдан ырак эвесте АКШ-тын атом бүдүрер чажыт лабораториязы бар чуве дир. Лос-Аламостан ында турар совет агентилерниң бирээзинден Москваже элээн каш унелиг материалдарны Манхеттен проектизинге хамаарыштыр дамчыткан. 1949 чылда ашаа-биле совет разведкага Рудольф Абельдин харылзаалакчылары кылдыр ажылдааннар. 1950 чылда олар ССРЭ-же дезер ужурга таваршканнар. 1954 чылда ашак-кадайны Великобританиеже харылзаа-радистери кылдыр чоруттурганнар. Оларнын кылган ажылынның туннелинде ССРЭ-нин разведказы ракета чепсээнге хамаарыштыр унелиг медээлерни алганнар. 1961 чылда совет резидентуранның ажлынга частырыглар тургустуна бээрге, Коэннерни британ МИ-5 тудуп алган. Суд шииткелинге ашаа Кононга 25, а Хеленге - 20 чыл кеземче бергеннер, ынчалза-даа ССРЭ-нин күрүнези оларны туттурган МИ-5 разведчии Джеральд Брука орнап алганнар. Аныяктар Москвага чуртай бергеннер. Леонтина Тереза Коэн сөөлгу хуннеринге чедир даштыкы арзведка эргелелинге ажылдап турган. Тускай даалгаларны кууседип турган. Өске Европа чуртарынче үнүп, чажыт разведчиктерге ужуражыышкыннарны кылып турган. 1992 чылда декабрь 23- те Леонтина Коэн чок болган. Москваннын Ново-Кунцевская хөөрүнде ажааган.

Шаңналдары.

• Чуртуң айыыл чок чоруунга ажыктыг тускай даалганы бодуннуң амы-тынын харамнанмайн күүсеткени дээш 1996 чылдың июнь 15-те РФ президентизинниң дужаалы биле Леонтина Коэнге (чок болганда) Россия Федерациязынның Маадыры атты тывыскан.
• ССРЭ-ниң айыыл чок чоруунга ажыктыг тускай даалганы бодуннуң амы-тынын харамнанмайн күүсеткени дээш Кызыл Тук ордени база Чоннарнын найыралы орден биле шаңнаан.

Номнар.

• Антонов В. С., Карпов В. Н. Тайные информаторы Кремля. Женщины в разведке. — М.: Гея итерум, 2002. — 320 с. — (Рассекреченные жизни). — 5000 экз. — ISBN 5-85589-011-2.

Шөлүлгелер.

• Коэн, Леонтина Тереза. Сайт «Герои страны».
• Леонтина Тереза Коэн на сайте СВР
• Могила на Кунцевском кладбище, уч.10