Көшкендей, Игорь Михаил оглу
|
Игорь Михаил оглу Көшкендей | |
|---|---|
 | |
| Төрүттүнген хүнү | 1978 майның 9 (46 хар) |
Көшкендей Игорь Михаил оглу (орус. Игорь Михайлович Көшкендей; 1978чылдың май 9-та Улуг-Хем кожуунунуң Арыскан суурунга төрүттүнген) – Тыва Республиканың алдарлыг ыраажызы болгаш билдингир хөөмейжизи.
Көшкендей Игорь Михаил оглу Тыва Республиканың алдарлыг хөөмейжизи[1], «Душа России» деп Россия Федерациязының чазааның шаңналының эдилекчизи[2], Тыва Республиканың эртинелиг кижизи деп атты эдилеп чоруур. Оон аңгыда хөй-хөй фестивальдарның, конкурстарның, көшкүн чоннарның этномузыкалдыг симпозиумнарның болгаш өске-даа концертерниң Гран-При эдилекчизи болуп турар. «Чиргилчин» деп ансамбльдың башкарыкчызы болгаш ыраажызы. Амгы үеде «Тыва үндезин культура» төвүнүң даргазы кылдыр ажылдап чоруур[3].
Намдары
[эдер | вики-сөзүглелди эдер]Игорь Көшкендей 1978 чылдың май 9-та Улуг-Хем кожууннуң Арыскан суурунга төрүттүнген. Ооң келир үеде хөөмейжи болуру школадан тура эгелээн. 1993 чылда Тыва республиканың Р.Кенденбиль аттыг уран-хөгжүм ортумак школазының «Хөөмей» салбырын дооскан. 1993 чылдан 1997 чылга чедир Кызылдың уран-чүүл училищезиниң үндезин хөгжүм херекселедер салбырының «Игил» болгаш «Хөөмей» клазынга өөренип турган. Студенти чылдарында ол «Чаңгы-Хая» деп ансамбльга ойнап турган. 1995 чылда Чадаана хоорайга болган «Хөөмей-95» деп республика чергелиг мөөрейге Гран-при шаңналының эдилекчизи болган. 1996 чылда «Чиргилчин» деп делегейде билдингир этно-хөгжүм бөлүүнүң ыраажызы болуп, а дараазында ол бөлүктүң башкарыкчызы апарган. Тыва национал оркестриниң тургустунуп келгенинден-не Игорь Көшкендей ооң кол ыраажыларының бирээзи болуп турар.