Дакпай, Максим Чалам оглу

Максим Чалам оглу Дакпай
Төрүттүнген хүнү	1921 августтуң 20(1921-08-20)
Мөчээн хүнү	1999 июльдуң 27(1999-07-27) (77 хар)

Максим Чалам оглу Дакпай — тыва сыгытчы, хөөмейжи.

Чурталгазы

1919 чылда Чаа-Хөлдүң Кызыл-Даг сумузунга хөй ажы-төлдүг өг-бүлеге төрүттүнген. Ол бичиизинден тура тыва хөгжүм херекселдеринге ойнап, сыгыт-хөөмейни сонуургап эгелээн. Хостуг үезинде ачазының чазаныр ажылын шиңгээдип ап, тыва хөгжүм херекселдерин боду чазаптар болу берген. 1938 чылда эң-не баштай көдээ-ишчилерниң байырлалынга ойнаан. Оон эгелээш-ле уран-талантызы хөйге билдингир болу берген.

1941-1945 чылдарда Кызыл хоорайга театр студиязын дооскан. А чогаадыкчы ажылын 1950 чылга чедир хөгжүм-шии театрынга уламчылаан. Оон диплом ажылы Мольерниң «Албадаткаш, эмчи болган» деп шииге кол роль болган.

1957 чылда Москвага болган Бүгү Делегейниң аныяктар фестивалынга Лауреат атты ап, алдын медаль-биле шаңнаткан.

1950-1967 чылдарда Чөөн-Хемчик кожууннуң Ийме сумузунда культура одаан удуртуп ажылдаан.

1964 чылда «Тыва АССР-ниң культуразының алдарлыг ажылдакчызы» деп, а 1967 чылда «Тыва АССР-ниң алдарлыг артизи» деп атты чаалап алган.

1992 чылда «Тываның улустун хөөмейжизи» деп хүндүлүг атты тывыскан.

1993 чылдың апрель 17-де Ийме сумузунуң культура бажыңын Максим Чаламович Дакпайның ады-биле адаан.

Максим Дакпайның сыгыдын «Мелодия» фирмага бижиткен. Ол бижидилгелерин амгы үеде четкиден тып ап болур силер.

Дөзүк

1. Тыва Үндезин Уран-Чүүл Төвүнүң архивинден. Тумат Чодураа Семис-оол уруунуң бижээн ажылы.