Ховалыг, Кайгал-оол Ким-оолович

Википедия деп веб-сайттан
Кайгал Оол Ховалыг

Ховалыг Кайгал-оол Ким-оолович (август 20, 1960 төр.) — тыва хөөмейжи, ыраажы, делегейде ат-сураа билдингир «Хүн-Хүртү» деп хөгжүмчү бөлүктүң лидери болгаш тургузукчузу. Россияның Алдарлыг артизи, Тываның Улустуң хөөмейжизи.

Намдары[эдер | Үндезин сөзүглелин эдер]

Кайгал-оол Ким-оолович 1960 чылдың август 20-де Тыва АССР-ниң Чөөн-Хемчик кожууннуң Бажың-Алаак сумузунга («Искра» совхозу) төрүттүнген. Тываның Күрүне Ансамблинче чалатырганың бертинде, 21 харлыынга дээр чылгычылап чораан. Кызыл хоорайже көшкеш, аңаа хөөмейлеп өөренип турган.

«Аян» ансамблинге 1979 чылдан тура хөөмейжи салымын эгелээн. Оларның хөөмей программазын Ленинград хоорайга белеткеп турган.

1989 чылда Коңгар-оол Ондар, Иван Сарыглар, Борис Херли, Вячеслав Данмаа, Сергей Ондар оон-даа өскелер-биле «Тыва» бөлүүнче кирген. Бөлүктүң удуртукчулары Тыва улустуң хөөмейжизи Геннадий Тумат болгаш хөөмей шинчилээр төптүң эртемдени Зоя Кыргыс. Олар болза улуг хөөмейжилерден ырыларын бижип ап турган.

Бодунуң чаа ажыдып алган «Хүн-Хүртү» бөлүүнге шупту күжүн бээр дээш, 1993 чылда «Тыва» бөлүктен үнүп алган. Кайгал-оол Ховалыг хөөмей, каргыраазы-биле бүгү делегейге алдаржаан[1].

Хөөмейлээр мергежили[эдер | Үндезин сөзүглелин эдер]

Ырылары[эдер | Үндезин сөзүглелин эдер]

Дөзү[эдер | Үндезин сөзүглелин эдер]

  1. КАЙГАЛ-ООЛ КИМ-ООЛОВИЧ ХОВАЛЫГ. БИОГРАФИЯ.