Монгуш, Көжелдей Борбак-оол оглу

Монгуш Көжелдей Борбак-оолович
Төрүттүнген хүнү	09.10.1943 ч.
Төрүттүнген чери	Чыргакы, Чөөн-Хемчик, ТАР
Мөчээн хүнү	12.04.1998 ч.
Мөчээн чери	Кызыл, Россия
Хамаатызы	РФ
Ажыл-херээ	прозачы, шүлүкчү, очулдурукчу
Чогаадыкчы дылы	Тыва дыл

Монгуш Көжелдей Борбак-оол оглу (1943 чылдың октябрь 9-та ТАР, Чөөн-Хемчик, Чыргакы – 1998 чылдың апрель 12-де мөчээн) – шүлүкчү, прозачы, журналист. ССРЭ-ниң Журналистер эвилелиниң кежигүнү, Россияның Чогаалчылар эвилелиниң кежигүнү (1993).

Намдары

Монгуш Көжелдей Борбак-оол оглу 1943 чылдың октябрь 9-та Тыва Арат Республиканың Чөөн-Хемчик кожуунда Чыргакыга төрүттүнген. Чадаананың №1 ортумак школазын дооскаш, Кызылда күрүнениң педагогика инстидунче киргеш, бойдус-географтыг факультедин дооскан.

1965-1977 чылдарда Тываның аңгы-аңгы булуңнарынга башкылап ажылдаан.

1977-1987 чылдарда «Ленинчи орук» деп район солунунга редакторлаан.

1987 чылдан Тыва Республиканың радиотелекомпаниязынга радио журнализи кылдыр ажылдап чораан.

1998 чылдың апрель 12-де мөчээн.

Чогаал ажылы

Чогаал ажылын 1964 чылдан эгелээн. Баштайгы проза ному «Эремаа» 1974 чылда чырыкче үнген, дараазында чылдарда «Часкы хаттар», «Шын кайдал?», «Төрээн чурттан ыракка» деп проза чыындылары үнгүлээн. «Үш чүүл эртемниг оол» деп ооң шиизи орус, англи дылдарже очулдурттунган.ССРЭ-ниң Журналистер эвилелиниң кежигүнү, 1993 чылда Россияның Чогаалчылар эвилелиниң кежигүнүнге кирген.

Дөс

1.Тува литературная. Вып.2 : биобиблиогр. справочник / НБ им. А. С. Пушкина Респ. Тыва; авт.-сост.: М. А. Хадаханэ, Л. М. Чадамба, Е. М. Ак-кыс, Г. М. Комбу — Кызыл, 2008. — 73 с.

2. Комбу С. С. Монгуш Кожелдей Борбак-оолович / С. С. Комбу // Тувинская литература : словарь / С. С. Комбу; под ред.: Д. А. Монгуша, М. Л. Трифоновой. — Новосибирск: 2012. — С.166.