Сагламер, Гюльсюн

Гюльсюн Сагламер
тур. Gülsün Sağlamer
Төрүттүнген хүнү:	1945
Төрүттүнген чери:	Трабзон[d], Турция
Чурт:	Турция
Ажыл чери:	Стамбульский технический университет[d]
Альма-матер:	Стамбульский технический университет[d] Кембриджский университет[d]

Гюльсюн Сагламер (тур. Gülsün Sağlamer; 1945 (1945), Трабзон төр.) — бир дугаар херээжен турк академик, бир дугаар херээжен ректор.

Гюльсюн Сагламер 1945 чылда турк Трабзон деп хоорайга төрүттүнген. Эге болгаш ортумак школаны бодунуң төрээн хоорайынга дооскан соонда, Стамбулдуң техниктиг университединиң Архитектура школазынга өөренип турган, аңаа-ла магистр эртем чадазы чедип алган. Доктор ажылын ол Кембридж университединиң (Великобритания) Архитектура кафедразының Мартин Төвүнге 1975-1976 чылдарда бижип турган.

Ооң соонда Гюльсюн Сагламер Стамбулче эглип келген. 1978 чылда ол Стамбулдуң техниктиг университединиң доцентизи, а 1988 чылдан профессору апарган. 1993 чылдан 1995 чылга чедир Сагламер Соңгу Ирландияның Белфастта Квинс Университединге чалаттырган профессор кылдыр ажылдап турган.

Гюльсюн Сагламер Стамбулдуң техниктиг университединиң ректору кылдыр соңгуттургаш, 1996 чылдан 2004 чылга чедир аңаа ажылдаан. Ол Турцияда бир дугаар херээжен ректор апарган. Сагламер база ол ышкаш Европаның херээжен ректорлар каттыжыышкынының (англ. European Women Rectors AssociationEuropean Women Rectors Association) президентизи база болган. 2005—2009 чылдарда Европаның университеттер каттыжыышкынының башкарылга кежигүнү болуп турган. Сагламер — Open House деп сеткүүлдүң редакциялыг коллегиязының кежигүнү.

Гюльсюн Сагламер — баштайгы турк херээжен академик.