Сан ады

Сан ады (англ. numeral) дээрге тускай саннарның адын көргүзер азы чүвелерниң сан болгаш туруш (дугаар) аайы-биле демдээн көргүзер чугаа кезээ болур: беш, он, чүс, он кижи, чүс рубль, сезен чеди хөпээн, сески класс, бир дугаар одуруг, үшкү черге. Чамдыкта сан ады кылдыныгның-даа санын көргүзүп чоруур: үш кагар, беш-алды баскан, ийи бодаан.

Чижектер.

• Чедиге чедини кадарга он дөрт болур.
• Ийи дайынчы канчап-чооп-даа чыткаш суурга чедер. (К. Чамыяң. «Майның чечээ».).
• Ийиги чергениң капитаны … дужааган. (А. Булак. «Дайынчылар – эрес оолдар».).
• Арыгда куштар ийи-чаңгыс эткилээр.

Сан аттары, чижектерден көөрге, хөй-ле кезиинде чүве ады-биле холбашкан, оларның санын азы туружун тодарадып чоруур, домакка ол тодарадылга болур.

Сан аттарының бөлүктери

Сан аттары мындыг бөлүктерлиг: түң сан аттары, дугаар сан аттары, чыырының сан аттары, аңгылаар сан аттары, чоокшуладыр сан аттары, үүрмек сан аттары.

Үндезини

Ш. Ч. Сат, Е. Б. Салзыңмаа. Амгы тыва литературлуг дыл. (Лексика болгаш семасиология, фразеология, фонетика, морфология). Тываның ном үндүрер чери. Кызыл — 1980.