Мурнуу Корея

Википедия деп веб-сайттан
Мурнуу Кореяның тугу

Мурнуу Корея (көр. 대한민국 [tɛːhɐnminɡuk̚] тэха́н мингу́к) - Чөөн Азияның күрүнези. Төвү - Сеул хоорай.

География болгаш агаар-бойдус[эдер | Үндезин сөзүглелин эдер]

Мурнуу Корея Корей чартык отрулуктуң мурнуу чүгүн ээжелеп турар. Барыын талазында Сарыг далай агып турар, чөөн талазында — Япон далай, а мурнуу талазында — Чөөн-Кыдат далай агып турар. Мурнуу Кореяның девискээри — 99 617,38 квадраттыг километр. Чуртту колдуунда даглар ээжелеп турар, а алаактыг черлер 30 % черни ээжелеп турар. 3000 бичии болгаш чуртталга чок ортулуктарлыг. Эң улуг ортулуу — Чеджудо. Климады муссоннуг, чай изиг болгаш шык, кыш сооксумаар болгаш кургаг.


Кореяның можулары

Хоорайлар болгаш можулар[эдер | Үндезин сөзүглелин эдер]

Мурнуу Корея 18 можу, 6 хоорай можу чергелиг, 1 хоорай тускай статустуг кылдыр үлеттинип турар. Эң улуг хоорайлары - Сеул, Пусан, Тэгу, Кванджу, Ульсан, Тэджон.

Чурттакчы чон[эдер | Үндезин сөзүглелин эдер]

Корей чон - Корей чартык ортулуктуң кол үндезин чону болуп турар. Амгы үеде Мурнуу Кореяның корейлер саны 50 млн.чедип турар. XIX вектиң төнчүзүнде Кореяга 10 ажыг муң хире кыдат чон база чурттап турган. 2006 чылдың статистиказы-биле алырга 20700 кижи. Колдук кезии тайвань паспортарлыг. Сөөлгү үеде даштыкылар саны Мурнуу Кореяда көвүдеп турар. 2012 чылдың ноябрьның статистиказы-биле Мурнуу Кореяда 1,4 млн даштыкылар бар.

Чүдүлге[эдер | Үндезин сөзүглелин эдер]

2003 чылдың күрүне статистиказы ёзугаар 46% чон кандыг-даа чүдүлгеге бодун хамаарыштырбаан. Христиан чүдүлгениң сүзүглекчилери 29,3% (протестант - 18,3%, католик - 10,9%), буддистер - 22,8%. Мурнуу Кореяда 40 муң хире санныг мусульман чүдүкчүлер бар, олар болза 0,1% ээжелеп турар.

Мурнуу Кореяның тергиин спортсменнериниң бирээзи Ким Ён А

Спорт[эдер | Үндезин сөзүглелин эдер]

Тхэквондо биле хапкидо Мурнуу Кореяда үндезин спортар аразында эң тергиин деп санаттынып турар. Ынчалза-даа барыын чүктен келген спорттарның сайзыралы бедик. Эң сайзыраңгайлары — альпинизм, футбол, бейсбол, баскетбол, плавание, лёгкая атлетика , бокс болгаш фигурное катание. Делегей чергелиг маргылдааларга болгаш Олимпиадаларга Мурнуу Корея улуг күрүнелерден чыда калбас болгаш бедик деңнелди көргүзүп турар.

Лондон хоорайга болуп эрткен Олимпиадага Мурнуу Корея 5-ки черни ээлээн. Олимпиадага 13 алдын, 8 мөңгүн болгаш 7 хүлер медальдарлыг болган. Медальдар саны-биле Мурнуу Корея Германия, Франция болгаш Италия деп Европаның шыырак командаларын ашкан.

Мурнуу Корея дугайында[эдер | Үндезин сөзүглелин эдер]

  • Күрүне дылы - корей
  • Төп - Сеул
  • Эң улуг хоорай - Сеул
  • Президент - Пак Кын Хе (2012 чылдан)
  • Премьер-министр - Чон Хон Вон
  • Девискээр - делегейде 107 дугаар черде
  • Чурттакчы чон:
- саны 48 955 203[1] кижи. (делегейде 25 дугаар черде)
- сырыйы 480 кижи./км²
  • Акша - Мурнуу Кореяның вона (KRW, коду 410)
  • Интернет-домен - .kr
  • Код ISO - KR
  • Телефон коду - +82
  • Шак куржаа - +9

Дөс[эдер | Үндезин сөзүглелин эдер]

Азия чурттары. Мурнуу Корея.

«http://tyv.wikipedia.org/w/index.php?title=Мурнуу_Корея&oldid=9778» деп адрестен парлаттынган