Цеченлиң

Википедия деп сайттан
Перейти к навигации Перейти к поиску
«Цеченлиң» хүрээзи
Кызылдың "Цеченлиң" хүрээзи

Цеченлиң, Цеченлинг хүрээ - Тыва Республиканың Кызыл хоорайда турар кол хүрээзи. Ону 1999 чылда чоннуң база Чазактың дузазы-биле доозулган. Сома-хевирин Фан Че Ир архитектор күүсеткен.

Төөгү[эдер | вики-сөзүглелди эдер]

1990 чылдарда чоннуң болгаш Чазактың ачызы-биле база ол үениң Тываның президентизиниң Ооржак Ш.Д. болгаш С.К. Шойгунуң улуг үүлези-биле Тываның төп хүрээзин тудар чугаа бүдер таварылгага келген. 1998 чылда хүрээниң тергиин эскиизин илередир дээш мөөрей чарлаан, Фан Че Ир архитекторнуң сомазы (эскизи) тиилээн.

Тус турар черин шилиири база бирги дажын салыры ламаларның, чүдүкчүлерниң болгаш Ооржак Ш.Д. киржилгези-биле болган. Камбы-Лама Чырыткылыг 14-кү Далай-Лама Башкыга кээп чорааш, бүгү Тываның буддистчилерниң мурнундан Далай-Лама Башкыдан хүрээ тудуун йөрээдир база адын тывызарын дилээн. Төвүт дылдан Цеченлиң деп сөс "Улуг Ынакшыл Өргээзи" ("Улуг Ынак Сеткил Өргээзи") дээн (орустап "Обитель Великой Любви").

Хүрээ тудуунуң төлевилелдиниң сомазының (эскизиниң) төлевилел-смета документилерин "ТуваГражданПроект" институду тургускан. Ук хүрээни тудар дээш тудугжу организациялар аразынга тендер чарлаан, ону КХН (Кызагдал Харыысалгалыг Ниитилел) "Сельстрой" уткан (директору Сафин С.). 1998 чылда экономиктиг кризис эгелээн-даа, акша чединмес-даа болза 1 чыл чартык үе дургузунда хүрээни тудуп төндүрген.

1999 чылдың октябрьда байыр-ажыдыышкын үезинде Чырыткылыг Богдо-Гэгэн IX, Россия биле Моолдуң буддистчи регионнарының Саңхазы төлээлери келген, база Ооржак Ш.Д., Кара-оол Ш.В., РФ чоннар (национальностьтар) сайыды Михайлов, хуу чүдүкчклер база аалчылар.

"Цеченлиңниң" кол чаяаны - Камбы-Ламаның хүрээзи кылдыр база амгы үениң Тываның шажынчы төвү болур ужурлуг.